Xitay ahalisining jinsiy perq nisbiti tengpungsizlashmaqta


2004.08.25
Share on WhatsApp
Share on WhatsApp

Xitay hökümet da'irlirining istatistkiliq melumatliridin ashkarilinishiche, xitay nopusining jinsi periq nisbiti éghir derijide tengpunglighini yoqutup, oghul bowaqlar sanining éshish derijisi, xeliq'ara ölchem siziqidin éship ketken .

Shinxu'a agéntliqining xewirige asaslan'ghanda, ötken esirning 80 - yilliridin buyan, xitayda tughulghan oghul bowaqlarning sani téz sür'ette yuqiri örlep, nöwette bu san 107 ge 100 din toghra kélishtek xelq'ara ölchem siziqidin halqighan .

Melumatlargha qarighanda, xitay nopusining tughulush jinsiy perqining tengpungsizlinish ehwali intayin éghir bir mesilige aylan'ghan,buninggha egiship, her yili tughulidighan adem sanining aziyishi, nopustiki jinsiy perqning téximu örlep kétishige sewep bolmaqta iken . 1999 -Yili xitayda yéngi tughulghan adem sani 1990 -yili bilen sélishturghanda yérimidin köpreki aziyip ketken, biraq tughulghan bowaqlarning jinsi perqi % 10 ashqan .

2005 - Yili 5 - qétimliq nopus tekshürüsh netijisidin ashkarilinishiche,xitayda 0 yashtin 15 yashqiche bolghan erlerning omumiy sani, oxshash yashtiki ayallar sanidin texminen 18 milyon 830 ming adem artuq iken hemde yene xitayda yashqa toshmighan qiz bowaqlarning ölüsh nisbiti yéshi toshmighan oghul bowaqlardin alahide yuqiri iken .

Xitayda yéngi tughulghan qiz bowaqlarsani bilen oghul bowaqlar nisbitining alahide periqlinishidiki sewepler heqqide toxtalghan, amérikidiki jem'iyetshunas lyu shawjo mundaq didi :

"Asasliq mesile pilanliq tughut siyasitidin kélip chiqqan, gerche bu siyasetning nopusning köpiyip kétishining aldini élishta heqiqeten ünimi bolsimu biraq buninggha töligen bedel bekmu éghir,bolupmu xitay medinyitide erni chong körüp ayalni kemsitishtek bu xil tesirler nahayiti éghir, bu xil hadise xongkong, teywen we bashqa bir qisim döletlerdimu mewjüt mesililer, biraq xitaydiki kelgüside nechche on minglighan erge hemrah tépilmaydighan ehwaldek éghir derijide emes, shuning üchün bu , xitay hökümiti jiddi bir terep qilidighan muhim ishlarning biri".

Lyu shawjuning qarishiche, eger xitayda yéngi tughulghan bowaqlarning jinsi perqi jehettiki bu éghir mesile hel qilinmaydiken, birqanche on yillardin kéyin nechche on minglighan boytaq erler, öz dölitidin hemrah tapalmaydiken, buning bilen bir qatar qalaymiqanchiliqlar kélip chiqidiken, shuning üchün xitay hökümiti bir perzentlik siyasitini tézdin bikar qilishi we doxturxanilarda jinsi di'aginoz qoyushtin kéyin kélip chiqqan hamilini aldurwétishtek qilmishlarning qanuni jawapkarliqini sürüshte qilishni kücheytishi kérek.

Küzetküchilerning bildürishiche, xitay hökümitining pilanliq tughut siyasiti we yene xitaylarning oghul balini arzulap, qiz balini pes kürüshke oxshash nachar illetliri xitayda yalghuz jinsi tengpushsizliqni keltürüp chiqiripla qalmastin belki jemiyet tertiwining qalaymiqanlishighimu yol achidiken .(Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.