Хитай билән қирғизистан бешкектә чоң сода мәркизи қурди


2004.08.23

Хитай хәвәр агентлиқиниң йеқинда елан қилған хәвиридин мәлум болишичә, хитайниң уйғур районидики даде тәрәққият ширкити билән бу ширкәтниң қирғизистан билән ачқан датаң чәклик ширкити бирликтә қирғизистан пайтәхти бешкектә " датаң хитай маллирини тарқитиш мәркизи" ни қурған болуп, бу сода мәркәз -10 айда рәсмий хизмәт башлайдикән.

Бу мунасивәт билән "датаң хитай маллирини тарқитиш мәркизи" -18 авғуст күни ахбарат елан қилиш йиғини чақирған. Һәмдә йиғинға хитайниң венҗу, җияңсу, гуаңҗу, җеҗияң вә фуҗийәндики сода җәмийәтлири һәмдә үрүмчи қурулуш банкиси бирләшмиси қатарлиқ җайларниң алақидар сода, тиҗарәт вәкиллири қатнашқан.

Хәвәрдә мәлум болишичә, мәзкур сода мәркизи хәлқара өй җаһазилири шәһәрчиси, електр-учур сайманлири шәһәрчиси, хәлқара көргәзмә мәркизи, хәлқара қурулуш әшялири шәһәрчиси қатарлиқ чоң бөлүмләрдин тәшкил тапқан болуп, бу йәрдә хитай маллири топ яки парчә сетилидикән. Хитай даирлири бу сода мәркизиниң, хитай маллирини оттура асия һәтта хәлқара базарға йүзләндүрүшни мәқсәт қилидиғанлиқини илгири сүрди.

Хитайниң қирғизистанда ачқан сода мәркизи бу йәрдә тирикчилик қиливатқан уйғур тиҗарәтчилиригә қандақ тәсир көрситиду? бу һәқтә зияритимизни қобул қилған қирғизистан уйғур иттипақ җәмийитиниң рәиси рози мәмәт абдулбақи, хитайниң бешкәктә қурған бу сода мәркизиниң бу йәрдики базарни монопол қиливелип, уйғур тиҗарәтчилириниң вәзийитини техиму қийин әһвалға чүшүрүп қойидиғанлиқини билдүрди.(Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.