Коммунистлар растинла "тиз пүкмәйдиған" кишиләрму?


2004.08.25

Мавзедоң вә дең шавпиңларниң нәзирийиси буйичә болғанда, хитай коммунист партийисиниң әзалиридин қайси бири бир ишта башқиларға "тиз пүккән" болса, бундақ хәвәрни аңлиған башқа партийә әзалири чуқум униңдин һәйран қелиши вә униңға ләнәт яғдуруши лазим иди. Әмма һазир ундақ әмәс, хиянәтчи коммуистлар һазир амалсиз қалғанда "тиз" пүкиватиду? ــــ дәп баян қилиниду иликтиронлуқ әркин мәтбәәдә яң лили елан қилған "коммунистлар растинла "тиз пүкмәйдиған" кишиләрму?" дегән обзорда, ـــــ бизниң билишимизчә, мундақ икки хил адәм коммунстларни "һәргиз тиз пүкмәйдиған адәм" дәп қарайду: униң бири, әнәнивий коммунистлар. Бундақ әнәнивий коммунистларниң нәзиридә, "коммунист партийә әзаси" дегән худди ли йүхе, яң зироңлардәк көзи чәкчәйгән, қуюқ қашлиқ қапиқи түрүлгән, гоҗәнһуаңдәк бой - турқи һәйвәтлик, җаң һәдәдәк атиси йоқ, аниси йоқ, уруқ - туққиниму йоқ кишиләр. Бундақ образларниң һәммиси һәр вақит үзини қурбан биришкә тәйяр туридиған, баш кесилишкә қилчә писәнт қилмайдиған образлар. Улар "тиз пүкүш" дегәнни әсла билмәйду. "Тиз пүкүш" дегән пәқәт ваң ләнҗү, пуҗижгавлардәк образларниң иши. Әнәнивей коммунистлар бундақ "батур"ларниң образини ағзидин чүшүрмәй мәдиһийәләйду. Әмма, әмилийәттә партийә бундақ "батур" болидиған адәмләрни өз ичидин асанлиқчә издәп тапалмайду.

"Коммуистлар тиз пүкмәйду"дәп қарайдиған иккинчи хил кишиләр болса, хитай коммунист партийисигә догма һалда әгәшидиғанлар. Бундақ догма коммунистлар өзлири "батур" ларни яқлайдиғанлиқини җакалайду. Әмма улар өзлири "батур" болмайду. Чиң сулалисиниң ханиши сишитәйху үзи тағқа бикинивелип туруп "бизгә оқ - нәйзә өтмәйду" дәп пүтүн дуняға уруш елан қилған иди, ойлап беқиң, у "батур" микән? әмилийәттә нимә болди? униң оқ - нәйзә өтмәйду дегән батурлири һечнимигә керәккә кәлмиди. Җоңхуа хәлқ җумһурийити йеңи қурулуп техи үзигә йетәрлик мадди асас топлимай турупла, мавзедоң "батур" луқ қилип хошнисиға тәшәббускарлиқ билән һуҗум қилған шимали корийәгә ярдәм биримиз дәп бирләшкән дөләтләр тәшкилати армийисигә һуҗум қозғиди. Нәтиҗидә милюнлиған әмгәкчи урушта өлди, көпүнчиси қиш пәслидә ач- ялаңғач қелип тоңлап өлди. Ойлап беқиң у "батур" микән? униңдин кейин мавзедоң йәнә давамлиқ түрдә "америка җаһангирлики вә униң қоллиғучилирини юқутимиз" дәп батурлуқ қилип, һәтта хитай хәлқиниң өзиниң қосиқи тоймайдиған йиллардиму, ветнамға ярәм биримиз дәп уруш қилди. Униңдин кийин, камбодияға йәнә шундақ ярдәм бәрди. Омумән, америка нәгә барса шуйәргә берип америкиға қарши уруш қилди. Ахир килип хитайниң иқтисадини шу америкиниң ярдими билән тәрәққи қилдуридиған сиясәт қоллунушқа мәҗбут болди.

Ойлап беқиң у "батур"микән? дең шавпиң "бир дөләттә икки хил түзүм" дәп җакалап хоңкоңни қайтуруп алғандин кейин узун өтмәйла, хоңкоңлуқлар коммунистларниң ялған сөзлигәнликигә қарши намайиш қилди. Һазир тәйвәнму бундақ ялған түзүмни рәт қиливиди, җаң земин "чоң қуруғлуқтики1 милярт 3 йүз милюн хәлқниң ирадиси "йимирилмәс ирадә" дәп 3 кә вәкил" лик қилип тәйвәнгә тәһдит селишқа башлиди. Буларму "батур" микән? хитайда қайси бир коммунист өзини "хәлқниң вәкили"дәп җакалап, хәлқниң һаятини шундақ өлүмгә башлаверәмдикән? хәлқниң җени шундақ әтивари йоқ җанмикән?

Башқа кишиләрни җенини қурбан қилип алидиған мәнпәәтлирини патийигә қалдуруп кетишкила далаләт қилидиған, әмма өзи мәнпәәтидин қилчә ваз кәчмәйдиған, хәлққә қуллуқ тәрбийисинила елип баридиған, һелини әқил, алдамчилиқни қабилийәт дәп қарайдиған бундақ коммунистларни "батур" дегили болмайду. Улар әмилийәттә мустәбитләр, хиянәтчиләр, ялғанчилар. ـــــ Дәп давамлиқ баян қилиду яң лили обзорида, ــــــ улар задила "тиз пүкмәйдиғанларму? һазир әркин мәтбәәләр бундақ хиянәтчи- чирик "батур" ларни паш қиливатиду. Улар амалсиз қалғанда тиз пүкиватидуғу! хитай коммунист партийисиниң дости садам һүсәййинму шундақ батурлардин иди. У ирақ хәлқини қәти туруп уруш қилишқа чақирип қуюп, өзи чашқанчилап юшурунивалған өрәктин тутулдиғу. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.