Kommunistlar rastinla "tiz pükmeydighan" kishilermu?


2004.08.25
Share on WhatsApp
Share on WhatsApp

Mawzédong we déng shawpinglarning neziriyisi buyiche bolghanda, xitay kommunist partiyisining ezaliridin qaysi biri bir ishta bashqilargha "tiz pükken" bolsa, bundaq xewerni anglighan bashqa partiye ezaliri chuqum uningdin heyran qélishi we uninggha lenet yaghdurushi lazim idi. Emma hazir undaq emes, xiyanetchi kommu'istlar hazir amalsiz qalghanda "tiz" pükiwatidu? ــــ dep bayan qilinidu iliktironluq erkin metbe'ede yang lili élan qilghan "kommunistlar rastinla "tiz pükmeydighan" kishilermu?" dégen obzorda, ـــــ bizning bilishimizche, mundaq ikki xil adem kommunstlarni "hergiz tiz pükmeydighan adem" dep qaraydu: uning biri, en'eniwiy kommunistlar. Bundaq en'eniwiy kommunistlarning neziride, "kommunist partiye ezasi" dégen xuddi li yüxé, yang zironglardek közi chekcheygen, quyuq qashliq qapiqi türülgen, gojenhu'angdek boy - turqi heywetlik, jang hededek atisi yoq, anisi yoq, uruq - tuqqinimu yoq kishiler. Bundaq obrazlarning hemmisi her waqit üzini qurban birishke teyyar turidighan, bash késilishke qilche pisent qilmaydighan obrazlar. Ular "tiz püküsh" dégenni esla bilmeydu. "Tiz püküsh" dégen peqet wang lenjü, pujizhgawlardek obrazlarning ishi. En'eniwéy kommunistlar bundaq "batur"larning obrazini aghzidin chüshürmey medihiyeleydu. Emma, emiliyette partiye bundaq "batur" bolidighan ademlerni öz ichidin asanliqche izdep tapalmaydu.

"Kommu'istlar tiz pükmeydu"dep qaraydighan ikkinchi xil kishiler bolsa, xitay kommunist partiyisige dogma halda egeshidighanlar. Bundaq dogma kommunistlar özliri "batur" larni yaqlaydighanliqini jakalaydu. Emma ular özliri "batur" bolmaydu. Ching sulalisining xanishi sishiteyxu üzi taghqa bikiniwélip turup "bizge oq - neyze ötmeydu" dep pütün dunyagha urush élan qilghan idi, oylap béqing, u "batur" miken? emiliyette nime boldi? uning oq - neyze ötmeydu dégen baturliri héchnimige kérekke kelmidi. Jongxu'a xelq jumhuriyiti yéngi qurulup téxi üzige yéterlik maddi asas toplimay turupla, mawzédong "batur" luq qilip xoshnisigha teshebbuskarliq bilen hujum qilghan shimali koriyege yardem birimiz dep birleshken döletler teshkilati armiyisige hujum qozghidi. Netijide milyunlighan emgekchi urushta öldi, köpünchisi qish peslide ach- yalangghach qélip tonglap öldi. Oylap béqing u "batur" miken? uningdin kéyin mawzédong yene dawamliq türde "amérika jahan'girliki we uning qollighuchilirini yuqutimiz" dep baturluq qilip, hetta xitay xelqining özining qosiqi toymaydighan yillardimu, wétnamgha yarem birimiz dep urush qildi. Uningdin kiyin, kambodiyagha yene shundaq yardem berdi. Omumen, amérika nege barsa shuyerge bérip amérikigha qarshi urush qildi. Axir kilip xitayning iqtisadini shu amérikining yardimi bilen tereqqi qilduridighan siyaset qollunushqa mejbut boldi.

Oylap béqing u "batur"miken? déng shawping "bir dölette ikki xil tüzüm" dep jakalap xongkongni qayturup alghandin kéyin uzun ötmeyla, xongkongluqlar kommunistlarning yalghan sözligenlikige qarshi namayish qildi. Hazir teywenmu bundaq yalghan tüzümni ret qiliwidi, jang zémin "chong qurughluqtiki1 milyart 3 yüz milyun xelqning iradisi "yimirilmes irade" dep 3 ke wekil" lik qilip teywen'ge tehdit sélishqa bashlidi. Bularmu "batur" miken? xitayda qaysi bir kommunist özini "xelqning wekili"dep jakalap, xelqning hayatini shundaq ölümge bashlawéremdiken? xelqning jéni shundaq etiwari yoq janmiken?

Bashqa kishilerni jénini qurban qilip alidighan menpe'etlirini patiyige qaldurup kétishkila dalalet qilidighan, emma özi menpe'etidin qilche waz kechmeydighan, xelqqe qulluq terbiyisinila élip baridighan, hélini eqil, aldamchiliqni qabiliyet dep qaraydighan bundaq kommunistlarni "batur" dégili bolmaydu. Ular emiliyette mustebitler, xiyanetchiler, yalghanchilar. ـــــ Dep dawamliq bayan qilidu yang lili obzorida, ــــــ ular zadila "tiz pükmeydighanlarmu? hazir erkin metbe'eler bundaq xiyanetchi- chirik "batur" larni pash qiliwatidu. Ular amalsiz qalghanda tiz pükiwatidughu! xitay kommunist partiyisining dosti sadam hüseyyinmu shundaq baturlardin idi. U iraq xelqini qet'i turup urush qilishqa chaqirip quyup, özi chashqanchilap yushuruniwalghan örektin tutuldighu. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.