Mawzédung qozghighan ongchilargha qarshi turush herikiti tel-tüküs inkar qilinip, ziyankeshlikke uchrighanlargha tölem bérilishi kérek

• Muxbirimiz welining bu heqtiki melumati
• Download story audio

Xitay kommunist partiye merkizi komitétining teshwiqat ministirliqi, gerche 50 yildin buyanqi ongchilargha qarshi turush herikitige da'ir weqelerni ashkarilimasliq heqqide cheklime chiqarghan bolsimu, emma béyjingda ikki chong yighin bashlan'ghan haman, buningdin 50 yil burun mawzédung qozghighan 'ongchilargha qarshi turush' herikitide zerbige uchrighan kishiler imza qoyup teklip yollap, bu heriketni tel-tüküs inkar qilip, zerbige uchrighanlargha iqtisadiy tölem bérishni telep qilishqa bashlidi. Bu heriket hazir dawamlishiwatidu.

Xitay kommunistik partiyisi bu heriketni qozghash üchün aldamchiliq teshwiqati élip barghan idi

Türkiyidiki tarakiye uniwérsitétining proféssori doktor sultan maxmut qeshqeri ependimu, eyni waqitta xitay kommunistik partiyisi bu heriketni qozghash üchün aldamchiliq teshwiqati élip barghanliqini körsetti.

Xitaydiki 'ongchilargha qarshi turush herikiti' Uyghur aptonom rayonida ongchi -yerlik milletchilerge qarshi turush herikiti bolghan idi

Proféssor sultan maxmut qeshqeri xitay kommunistik partiyining aldamchiliq teshwiqatidin kéyin échilish -sayrash bashlan'ghanliqini, Uyghur aptonom rayonida bu siyasiy heriketning nishani borulup yerlik milletchilikke qarshi turush bolghanliqini we uning aqiwitini bayan qildi.

Mawzédung qozghighan 'ongchilargha qarshi turush ' herikitini tel-tüküs inkar qilip, ziyankeshlikke uchrighan kishilerge tölem bérilishi kérek

Proféssor sultan maxmut qeshqeri mawzédung qozghighan 'ongchilargha qarshi turush ' herikitini tel-tüküs inkar qilip, ziyankeshlikke uchrighan kishilerge tölem bérilishi kéreklikini tekitlidi.(Weli)