4- Июн вәқәсидин кейин хитайни чаңгилиға алған үч чирик падишаһлиқ (2)

• Мухбиримиз вәлиниң бу һәқтики мәлумати
• Download story audio

Лин бавхуа әпәндиниң " 4 - июн вәқәсидин кейин хитайни чаңгилиға алған үч чирик падишаһлиқ" дегән обзорида баян қилинишичә, коммунист партийидә бирси әмәл тутса, униң пүтүн җәмәти бай болуп кетиватиду.

1989 - Йили бейҗиңда җиддий қозғалған демократик һәрикәт дәл мушундақ хиянәтчиликкә, чирикликкә қарши туруш үчүн қозғалған иди, коммунист хиянәтчилири бу һәрикәтни қораллиқ бастурди. Бу һәрикәтни бастурғандин кейин, коммунист партийә хәлқниң һимайисигә игә болуш үчүн, хиянәтчиләрни қаттиқ җазалаш, юқири дәриҗилик әмәлдарларниң бала-чақилири содигәрчилик билән шуғуллинишни қәтий чәкләш, юқири дәриҗилик рәһбири кадирларниң һөкүмәт пулини сәрп қилип алий дәриҗилик аптомобил сетивелиш вә чәтәлләрниң зиярәт қилишини қәтий чәкләш дегәндәк қарарларни чиқарған болсиму, әмма бу һәммиси ялғанчилиқ болғачқа, коммунист әмәлдарлири пәқәт бундақ сиясәтләрни пайдилинип өзиниң рәқиблирини йиқитип, өзлириниң хиянәтчилик, чирикликтин техиму кәң көләмдә йолға қойди.

Мәнсәп тутқанларниң җәмәти бай болди

" 4 - Июн вәқәсидин кейин хитайни чаңгилиға алған үч чирик падишаһлиқ" дегән обзорлар баян қилинишичә, хиянәтчилик вә чирикликкә қарши туридиғанлар қораллиқ бастурулған, коммунист партийә ичидә чириклик кәң көләмдә әвҗ елишқа башлиған бу йилларда, дең шявпиңниң күйоғли азадлиқ армийә қорал -ярақ бөлүминиң башлиқи болуп туриватқан хе пирниң һимайиси астида, дең шявпиңниң оғли дең бафаң, дең җотаң вә қизлири дең лин, дең нәт, дең роһларниң бала җәмәтлири чен йүәнниң қизи чен вейл, ваң җинниң оғли ваң җүн, хоңкоңдики әң чоң бай ли җачең қатарлиқларниң җәмәтлири билән бирликтә хоң коң, шаңхәй, шенҗен қатарлиқ шәһәрләрдә рәңлик метал вә қорал -ярақ тиҗарити билән шуғуллинидиған, йәр- зимин тиҗарити билән шуғуллинидиған ширкәтләрни қурди. Ширкәтлириниң тиҗаритини тәдриҗи һалда һәр қайси өлкә, аптоном районларға кеңәйтип, һәммә җайға чаңгал селишқа башлиди.

Ли пең җәмәти електир қуввитини қолиға алди

" 4 - Июн вәқәсидин кейин, пүтүн хитайни чаңгилиға алған үч чирик падишаһлиқ" дегән обзорида баян қилинишичә, ли пең 80 - йиллардин тартипла 10 йилдин артуқ вақитқичә баш министир болуп турди, униңдин кейин йәнә 10 йилдәк мәмликәтлик хәлқ қурултийиниң мудири болди, у 20 нәччә йил ичидә електир қуввити саһәсидин қол үзмиди. Чоң су қурулушлирини бина қилип шинҗаңға көчмән йөткәшни йолға қойди. Бу йилларда коммунист партийиниң 89 19 - йили 4 - июнда хиянәтчиликкә, чирикликкә қарши туридиған демократик һәрикәтләрни қораллиқ бастурушида чоң хизмәт көрсәткән липеңниң оғли ли шавпең қораллиқ сақчи қисимлар билән бирлишип башлиқниң тәстиқ қәғизини сетип бейишқа башлиған иди.

Азадлиқ армийә 80 - йилларда гуаңдуңда ядро електир истансиси қурушқа башлиған һаман ли пеңниң хотуни җулинни ширкәтниң бейҗиңда турушлуқ вәкилликигә тәклип қилди. Ли пеңниң оғли һазир пүтүн мәмликәтниң електир қуввитини контрол қилидиған хуанең иқтисадий гуруһиниң баш мудири (муавин министир дәриҗилик башлиқ), ли пеңниң қизи хитай електир қуввити дәп атилидиған хәлқаралиқ ширкәтниң мәбләғ салғучиси вә иҗраий рәиси. Ли пең җәмәтиниң қоли мәмликәтниң һәр қайси җайлириға наһайити узун созулған.

Җяң земин җәмәти учур – алақә саһәсини чаңгилиға алди

" 4 - Июн вәқәсидин кейин, пүтүн хитайни чаңгилиға алған үч чирик падишаһлиқ" дегән обзорда баян қилинишичә, бу мәзгилләрдә җаң земинниң оғли җаң мйәнхең шаңхәй металлургийә тәтқиқат иниститутиниң башлиқи, узун өтмәйла йәнә у хитай пәнләр академийисиниң муавин башлиқи дегән мәнсәпләргә игә болуш арқилиқ, барлиқ имканийәтләрдин пайдилинип байлиқ мәнбәлирини игиләшкә башлиди вә учур - алақә саһәсидики бир мунчә мәбләғ селиш ширкәтлириниң қанунлуқ вәкили болувалди. Бу чағда шаңхәй бирләшмә мәбләғ селиш ширкити дегәндәк чоң ширкәтләрниң башлиқлири из -дерәксиз йоқилип, униң орниға җаң мйәнхеңниң исми қоюлди. Җаң земин болса дең шавпиң җәмәтини бәзи җәһәтләрдә қолини тартиш лазимлиқи һәққидә җиддий агаһландурди. Җаң земин җәмәти мушундақ вастилар билән пүтүн мәмликәтниң учур - алақә саһәсини чаңгилиға киргүзүшкә башлиди.

Ху җинтав дәври

Лин бавхуа әпәндиниң ейтишичә, һазир болса 4 - әвлад ядроси дәп атиливатқан ху җинтав дәври. Бу дәврдә азадлиқ армийә қорал - ярақ бөлүминиң башлиқи алмаштуриветилгәндин кейин, дең шавпиң җәмәтиниң рәңлик метал, қорал -ярақ падишаһлиқиниң һәрикити аҗизлап кәткән болсиму, әмма җаң земин билән ли пеңниң чирик падишаһлиқи йәнила мәвҗут. Гәрчә ху җинтав йеқинда юқириқи падишаһлиқларға чеқилмақчи болуп, адәм йөткәш тәдбирини қоллинип баққан болсиму, әмма қурби йәтмәйватиду.

Ху җинтав билән вен җабав өзлириму һазир юқириқи чирик падишаһлиқлар билән риқабәт қилип, әң йеңи пән - техника саһәсидә йәнә бир йеңи падишалиқ тикләшкә тиришиватса керәк. Мәйли немә болсун, буму чирикликниң бир қисми. Коммунист партийә хиянәтчиликкә, чирикликкә қарши туруш үчүн қозғалған һәрикәтни бастуруп, хиянәтчилик-чирикликни техиму әвҗ алғузди. Қараңғу җәмийәт кишилиридә аз - тола мәртлик -мәрданилиқ бар, коммунистларда шундақ нәрсиму йоқ. Һазир хәлқ билән коммунистларниң оттурисидики иқтисадий пәрқ барғансири зораймақта. Хәлқниң уларға болған нәприти һәссиләп өрлимәлтә. (Вәли)