Simalu ependining "xitay kommunist partiyisige da'ir tarixiy deliller" namliq eslimisi


2005-02-03
Share

Béyjing bahari zhornilining muherriri xu ping ependining tonushturushiche, yéqinda xongkongda simalu ependining "xitay kommunist partiyisige da'ir tarixiy délillar" namliq eslimisi neshir qilin'ghan. Simalu ependi hazir 85 yashta. U 18 yéshida yen'en'ge bérip kommunist partiyige qatnashqan. 1943 - Yili partiyidin chékinip chiqqan. 1949 - Yili xongkonggha ketken. Xongkongda turghan mezgilide "erkin sherq" zhornilini we jonggo mesililiri tetqiqat merkizi" ni tesis qilghan. 1983 - Yili 64 yéshida amérikigha köchüp kelgen. Yéqinda simalu ependining "xitay kommunist partiyisige da'ir tarixy deliller" namliq eslimisi neshr qilindi.

Erkin asiya radi'osining muxbiri erkin ependining bayan qilishiche, simalu ependi 2004 - yili 11 - ayning 20 küni amérikining nyo-york shehride "béyjing bahari zhornili" teripidin uyushturulghan Uyghur mesililiri heqqidiki muhakime yighinida özining "xitay kommunist partiyisige da'ir tarixiy deliller" namliq eslimisi heqqide mundaq dégen:

" Mining bu kitabim xongkongda neshr qilindi. Bu kitabimning nami "xitay kommunist partiyisige da'ir tarixiy deliller" - simalu eslimisi, dep ataldi. Men nahayiti kichik chéghimdila kommunist partiyige qatnashqan. Kommunist partiyisi sadir qilghan nurghun jinayetlerni bilimen. Buni nurghun adem bilip ketmeydu hem körelmigen, uni tesewwurmu qilalmaydu. Men uni yézip chiqtim...

Béyjing bahari zhornilining muherriri xuping ependining tunushturishiche, simalu ependi ömride xitay kommunist partiyisining rehberliridin maw zédong, jang gotaw, wang ming, lyu shawchi, jang wénten, judé, lin byaw, chén yün, dong béywu, ju énley, kang shéng, gawgang, rawsushi, jang ching qatarliqlar bilen esrar bolghan. Xitaydiki démokratik partiye erbabliri dep atilidighan jang bojün, lo lungji, lyang sumin, dégen erbaplar bilenmu esrar bolghan. Medeniyet inqilabida tenqitlen'gen déng to, tyen jayinglarmu simalu ependining yen'en dewridiki tunushliri. Simalu ependi jang zéminning béqiwalghan didisi jang shangching ependi bilenmu tunush . Simalu ependi hetta Uyghurlardin merhum eysa ependim bilenmu qedinas dost. Erkin asiya radi'osining muxbiri erkin ependining 2004 - yili 11- ayning 20 - küni xatirilishiche, simalu ependi "dostlar, Uyghur qérindashlar, 1960 - yili 4 - ayda men Uyghurlarning yétekchisi eysa ependim bilen tunushqan. Eysa ependim bögünki yighin'gha keldimu?" dep soroghanda, örkesh dölet ependi uninggha "eysa ependim 95 yili alemdin ötti, uning oghli erkin ependi hazir dunya Uyghur birlikining re'isi, Uyghurlarning yétekchisi" dep jawab bergen. Simalu ependi "eysa ependim mining qedinas dostum idi. Men uning alemdin ötkenlikige epsuslinimen. Örkesh ependi siz eysa ependimning a'ile - tewelirige mining teselli salamimni yetküzüp qoyung. Men eysa ependim bilen hindistanning yéngi déhli shehride tonushqan" dégen.

Xuping ependining tonushturushiche, simalu ependi eslimiside , 1 - qisimda özining sergüzestilirini yazghan. 2 - Qisimda xitay kommunist partiyisining siyasi erbabliri heqqide körgen - bilgenlirini yazghan. 3 - Qisimda maw zédong bilen ju énleyning öz - ara küch sinishishigha da'ir pakitlarni yazghan. Shunglashqa hazir kishiler simalu ependini "zamanimizdiki xitayda ötken siyasi erbaplar loghiti" dep atashmaqta.

Simalu ependining eslimisige xongkongdiki "yéngiche közütüsh"dégen zhornalning bash muherriri, 87 yashliq gé yang xanimning kirish söz yazghanliqi, shundaqla bu ikki kishining sergüzeshtliri téximu qiziqarliq hikaye. Xuping ependining bayan qilishiche, simalu ependi bilen géyang xanim jangsuluq yurtdash. Ular baliliq dewridila kitap uqush guruppilirida tunushqan. Kéyin "jenubi enxuy weqesi' dégen tarixi weqede bir - birini yüttürüp qoyghan. Ular 1940 - yili chongchingda bir - birini toniwalghan. Uningdin burun her ikkilisi ismini özgertip yashighachqa bira- birini tapalmighan iken. Simalu xongkonggha ketkende géyang xanim chong qurughluqta qalghan, medeniyet inqilabida yézilargha qoghlinip, 4 kishilik guroh gumran bolghandin kéyin nami eslige keltürülgen , 89 - yilidiki 4 - iyun weqesidin kéyin yene sersan bolghan. Axir 2002 - yili, bu ikki qedinas - 83 yashliq simalu ependi bilen 85 yashliq géyang xanim amérikining nyo- york shehride toy qilghan. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet