Учур- алақә вастилиридин пайдиланған террорлуқ


2005-02-11
Share

"Улуғ ира гезити" дә баян қилинишичә, хитайниң чаған байрими мәзгилидә америка, яврупа, австралийә, тәйвәнләрдә туриватқан хитайчә сөзлишидиған аһалилар намәлум телефон арқилиқ паракәндичиликкә учраш һадисилири йүз бәргән.

Бундақ телефон паракәндичилики уда бирнәччә күн давам қилған. Бәзи кишиләр бир күндә бир нәччә қетим паракәндичиликигә учриған. Кәлгән телефонниң мәзмуни, бир хили алдин тәйярланған бирнәччә минутлуқ уналғу линтилиридики тәшвиқат. Йәнә бир хили хитай милләтчиликини қозғайдиған "вәтәнпәрвәрлик" нахшилар. Униң тили хитайчә һәм әнглизчә икки хил тилда. Паракәндичиликкә учриғучиларниң янфонлирила әмәс, уларниң өй телефониниң сөз қалдуруш машинисиму алдин тәйярланған бирнәччә минутлуқ уналғу линтилиридики тәшвиқатлар билән толуп кәткән.

Урулған телефонниң номури намәлум

Намәлум телефон паракәндичиликигә учриған фалунгоңчә нәпәс мәшқи қилғучилар тәшкилатиниң баянатчиси шү кәнгаң әпәндиниң баян қилишичә, бундақ кәң көләмлик телефон паракәндичилики дуняниң һәр қайси җайлирида өткән йәкшәнбә күни әтигән саәт 10 ларда башланған. Қубул қилинған телефонниң көпүнчисиниң нумури чиқмайду. Бәзилириниң 0086 , 008613 дегән нумурлири көрүнүп қалған. Униң мәзмуни хитайчә вә әнглизчә 2 хил тилда алдин линтиға елип тәйярланған тәшвиқат. Бундақ намәлум телефон бәзи кишиләргә бир күнниң ичидә уда 10 қетим кәлгән . Бәзи кишиләрниң телефониниң сөз қалдуруш бошлиқи тошуп кәткәнликтин униңға қайтидн телефон кәлсә инкас қайтуралмайдиған һалға келип қалған.

Бәзи кишиләрниң янфониға бирнәччә минутта бир қетим телефон келип турған. Телефон паракәндичиликигә учриғучиланиң көпүнчиси фалонгоңчә нәпәс мәшқи қилғучилар вә уларни қоллайдиған кишиләр. Телефонда асасән буниңдин бирнәччә йил бурун хитай коммунист партийиси тәрипидин тйәнәнмен мәйданида пиланлап уюштурған "өзни көйдүривелиш вәқәси" тоғрисида бурун дейилгән кона гәпләр тәкрарланған яки америка бирләшмә агентлиқи қатарлиқ ғәрб дөләтлириниң учур органлири тйәнәнмен мәйданида өзни көйдүривелип өлмәй қалған, һазир түрмидә йетиватқан ваң җиндоңни зиярәт қилғанлиқи сөзләнгән яки ваң җиндоң ниң ғәрб мухбирлириға немә дегәнлики, униң өзини көйдүривелиши фалонгоңчә нәпәс мәшқи қилип меңиси елишқанлиқтин болғанлиқи сөзләнгән ялған тәшвиқатлар бар.

Йеңидин пәйда болған кона тәшвиқат

Шү кәнгаң әпәндиниң баян қилишичә, улуғ ира гезитидә коммунист партийигә 9 баһа елан қилғандин кейин, коммунист партийә уни көчүрүп бесип тәнқид қилалмай яки униңдики пакитларни бир му - бир рәт қилалмай мат болди. Әмди һазир мәғлубийитигә тән бәрмәй кона ялған тәшвиқатни йәнә көтүрүп чиққан. Коммунист партийә өзиниң ялған тәшвиқатиниң фалонгоңчә нәпәс мәшқи қилғучиларға қилчә тәсир көрситәлмәйдиғанлиқини обдан билиду. Билип туруп йәнә бундақ шәкил қоллунушниң өзи мәқсәтлик һалда қилинған паракәндичилик. Шү кәнгаң әпәндиниң баян қилишичә, телефон паракәндичиликигә учриған кишиләр әһвални америкиниң федерал тәкшүрүш идарисигә мәлум қилған.

Қарашлар

Хәвәрдә баян қилинишичә, хитай мәсилилири бойичә мулаһизичи ли диң әпәнди бу мәсилини мундақ мулаһизә қилған: 1999 - йили хитайниң һәрбий нәшрияти һәрбий тактика тоғрисида "чәклимисиз уруш" намлиқ бир китаб нәшир қилған иди. Бу китабта "қораллиқ яки қоралсиз, һәрбий қисим шәкили билән яки һәрбий қисимчә болмиған шәкил билән, қирғинчилиқ қилидиған яки қирғинчилиқ қилинмайдиған шәкил билән, омумән қоллинишқа болидиғанлики һәммә васитиләрдин пайдилинип дүшмәнни өз мәнпәәтини етирап қилдуршқа мәҗбурлаш" тәшәббус қилинған.

Буни хитай коммунист партийиси йеңичә уруш нәзәрийиси, бу нәзәрийә 3 хил уруш шәклини, йәни ядро уруши, мунтизим қисим уруши, био-химийә уруши, екологийә уруши, аләм бошлуқи уруши, електронлуқ долқун уруши, партизанлар уруши қатарлиқлани өз ичигә алған һәрбий қисим билән уруш қилишни; дипломатийә уруши, електронлуқ тор уруши, ахбарат уруши, психологийә уруши, пән - тәхника уруши, әткәстчилик уруши, зәһәрлик чекимлик уруши, рәңвазлиқ уруши қатарлиқларни өз ичигә алған һәрби қисим ишлитиштин һалқиған шәкилдә уруш қилишни; пул - муамилә уруши, сода уруши, байлиқ мәнбәә уруши, иқтисадий ярдәм уруши, қанун уруши, җазалаш -чәкләш уруши, васитичилик уруши, идеологийә уруши қатарлиқларни өз ичигә алған һәрби қисим ишләтмәйдиған урушни өз ичигә алиду, дәп қарайду.

Хәвәрдә баян қилинишичә, ли дең әпәнди " һазирқи бухил телефон паракәндичилики хитай коммунист партийисиниң америкиниң авам палатасида 2004 - йили 10 -айниң 4 - күни америкида туриватқан кишиләрниң дини, әркинлики вә сияси һуқуқини қанун буйичә қоғдаш тоғисида мақулланған 304 - номурлуқ қанун лайиһисидә писәнт қилмай ‘чәклимисиз уруш нәзәрийиси бойичә учур- алақә васитилиридин пайдилинип қилған "террорлиқи" дәп мулаһизә қилған. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт