"Ana til balilarning tepekkür qilishigha zor tesir körsitidu"

• Muxbirimiz méhribanning bu heqtiki melumati
• Download story audio

Köpligen pisxolog we til tetqiqatchilirining bildürüshiche, mektep yéshigha toshqan herqandaq bala eger bashlan'ghuch ma'aripni ana- tilida oquyalisa, uning kelgüside bashqa tillarni üginelishige nahayiti asanliq yaritilidiken. Yeni ana tilni yaxshi igilesh asasida bashqa tillarni téximu yaxshi igiliyeleydiken.

Radi'omizning ziyaritini qobul qilghan yawropada til tetqiqat ishliri bilen shughulliniwatqan Uyghur tetqiqatchi kamil ependi yéqinda muxbirimiz bilen ötküzgen söhbitide, ana tilning ösüp yétiliwatqan balilar üchün neqeder muhim ikenlikini tekitlep, ata anilarning her qandaq shara'it astida öz perzentlirini bashlan'ghuch ma'ariptin tartip ana til mektipige bérishi kéreklikini teshebbus qildi.

Yéqinqi yillardin buyan, xitay hökümiti Uyghur élide qosh tilliq ma'aripni kücheytkenliktin, köpligen ata ‏-anilar öz perzentlirini bashlan'ghuch ma'ariptin bashlap, xitay til mektipide oqutushqa mejbur bolmaqta. Lékin tetqiqatchi kamil ependining bildürüshiche, qosh tilliq ma'aripning kücheytilishi bilen, balilarning öz ana tilida tepekkür qilishini yoq qilishqa hergizmu yol qoymasliq kéreklikini tekitlidi.

Bu heqtiki toluq melumatlarni, muxbirimiz méhribanning kamil ependi bilen ötküzgen söhbitidin anglang.