Chet'ellerdiki Uyghur ayallar Uyghur élidiki ayallarning kishilik hoquq mesililiridin endishe qilmaqta


2007.03.28
Share on WhatsApp
Share on WhatsApp

Xitay hökümitining Uyghur déhqan emgek küchlirini xitay ölkilirige yötkesh pilani 2002 - yili resmiy yolgha qoyulushqa bashlan'ghan idi,shundin étibaren yiligha bir milyon etrapida yash emgek küchliri xitay ölkiliridiki zawut‏- karxanilargha ishlemchilikke ewetilmekte.

Xitay hökümiti Uyghur élidin xitay ölkilirige yötkimekchi bolghan ishlemchilerning sanini bu yil bir milyon 200 minggha yetküzmekchi . Buning yérimini yézilardiki déhqan emgek küchliri teshkil qilidiken, Uyghur élidin hazirghiche yötkelgen bu ishchilarning ichide toy qilmighan yash Uyghur qizlirining nisbiti alahide yuqiri salmaqni igileydu . Uyghur yéziliridin igiligen melumatlirimizdin Uyghur qizlirining xitay ölkilirige ishqa orunlashturush bahanisida türkümlep mejburiy élip kétiliwatqanliqi hemde ularning barghan jaylirida insaniy heq hoquqlirining dexlige uchratqanliqi ashkarilandi.

Uyghur qizlirining xitay ölkilirige ishlemchilikke türkümlep élip kétiliwatqanliqi hemde ular duchar boluwatqan weziyet, chet'ellerdiki Uyghurlar hemde Uyghur teshkilatlirining diqqitini qozghighan bir mesilige aylandi. Shu seweblik muxbirimiz gülchéhre, yéqinda washin'gtonda échilghan ayallarni démokratiye hemde kishilik hoquq boyiche terbiyilesh yighinigha kelgen wekillerdin qazaqistan Uyghur ayallirining wekili, qazaqistan Uyghur anilar kéngishining re'isi tursun'ay téyipowa xanim, kanada Uyghur ayallirining wekili ruqiye xanim, awstiraliyidin yétip kelgen xanim ‏- qizlar wekili zubeyre xanimlarni mulahizige uyushturdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.