Barin qozghilingining asasliq rehbiri zeydin yüsüpning sepdishi abduréhimjan bilen söhbet

• Muxbirimiz qanatning bu heqtiki toluq melumati
• Download story audio

1990‏-Yili 4‏- ayning 5‏- küni yeni buningdin 17 yil ilgiri Uyghur élining barin yézisida élip bérilghan qozghilang, zeydin yüsüp bashchiliqidiki bir gurup Uyghur yashliri teripidin pilanlan'ghan bolup, zeydin yüsüp bu qozghilangning teshkillinishide, pilanlinishida hemde xelqni bu qozghilanggha qatnishiqa qayil qilishta asasliq rolni oynighan. Némishqidur barin qozghilingi yüz bergendin kéyin chiqqan xewerlerde deslepte qozghilangning obulqasim ismlik bir Uyghurning bashchiliqida élip bérilghanliqi bildürüldi. Lékin uzun ötmey barin herikitining derweqe zeydin yüsüp bashchiliqida élip bérilghanliqi éniqlandi.

Barin qozghilingining rehbiri zeydin yüsüpning sepdashlirining béri, barin herikitining harpisida barin qozghilingini teshkillilgenler otturisida, qozghilang kötürüsh-kötürmeslik mesilisi üstide bolup ötken munazirilerde zeydin yüsüpning "bizning asasliq meqsitimiz, özimizni qurban qilish arqiliq sherqiy türkistan milliy musteqilliq herikitining mewjut ikenlikini dunyagha tonutushtin ibaret" dégenlikini bildürgen. Barin qozghilingining asasliq meqsiti néme idi? bu qozghilanggha rehberlik qilghan zeydin yüsüp qandaq bir xaraktérge ige idi? ziyaritimizni qobul qilghan, barin herikitining rehbiri zeydin yüsüpning yéqin sepdishi bolghan we barin herikitining harpisida qozghilang kötürüshning peyti yétip kelgen ‏- kelmigenliki üstide élip bérilghan munazirilerge qatnashqan, hazir gérmaniyide yashawatqan abduréhimjan ziyaritimizni qobul qilip, barin herikiti heqqide toxtaldi.