Уйғур елиниң қизилма байлиқлири немә мәқсәттә булаң - талаң қилиниватиду


2006.10.25

Уйғур аптонум район һөкүмити, қизилма байлиқларни ечиш тәртипини түзәш вә қелиплаштуруш хизмитини чиң тутуп яхши үнүмгә еришкәнликини кәң тәшвиқ қилмақта.

25 ‏- Өктәбир күни хитай хәвәр агентлиқиниң бу һәқтә елан қилған хәвиридә мундақ дейилгән: "чарлаш иҗазәтнамиси, кан ечиш иҗазәтнамисини омумйүзлүк ениқлаш асасида муһим нуқтини гәвдиләндүрүп, қалаймиқан ечиш қезиш әһваллирини тәртипкә селип, иҗазәтнамисиз , қанунсиз ечиш - қезиш қилмишлирини мәний қилип, кан ечиш һоқуқини тәстиқлашни қелиплаштуруп, геологийилик чарлаш вә қезилма байлиқларни ечишқа болған назарәтчилик вә башқурушни күчәйтти".

Хәвәрдә йәнә "уйғур елидики 14 вилайәт, област , шәһәр, 48 наһийә 51 кан вә шәрқий җуңғар көмүрликидики 12 көмүр кан чарлаш районида нәқ мәйданда тәкшүргәнлики һәмдә мәлум миқдарда иқтисадий җаза қоюлуп, толуқлима һәққи йиғивилинғанлиқи баян қилинған. Омумән хәвәрдин, бу районда қизилма байлиқлирини булаң ‏- талаң қилиш һәрикәтлири қәтий чәклинидиғанлиқи алаһидә тәкитләнгән.

Нөвәттә чәтәлләрдә паалийәт елип бериватқан кишилик һоқуқ тәшкилатлири билән уйғур кишилик һоқуқ тәшкилатлири, уйғур земинидики байлиқлардин бу земинниң игиси болған уйғурларниң қилчилик мәнпәәтләнмәйватқанлиқини ашкарилап, хитай һөкүмитини қаттиқ әйиблимәктә.

Дуня уйғур қурултийи мәхсус доклат һазирлап, хитай һөкүмитиниң уйғурларға дөләт террорчилиқи ишлитипла қалмай, бәлки бу земинниң қиммәтлик мәдән байлиқлирини талан ‏- тараҗ қиливатқанлиқини билдүрмәктә.

Дуня уйғур қурултийиниң баянатчиси дилшат ришит билән канададики уйғур зиялийси руқийә ханим зияритимизни қобул қилип, хитай даирилириниң қизилма байлиқларни булаң - талаң қилиштики мәқсиди һәққидә тохталди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.