Uyghur élidiki Uyghur ziyalilirining teqdiri heqqide söhbet

• Ixtiyari muxbirimiz yalqunning bu heqtiki melumati
• Download story audio

Talantliq yash sha'ir batur rozining tuyuqsiz ölümi chet'elde yashawatqan Uyghur ziyaliylirining arisida Uyghur ziyaliylirining teqdirige bolghan endishilirini téxmu kücheytti. Ular yéqinqi yillardin buyan Uyghur ziyaliylirining yash turupla her xil tiptiki yürek késellikliri bilen tuyuqsiz ölüp kétishini xitay hökümitining siyasi bésimi. Ijtima'iy tengpungsizliqi, adaletsiz mu'amilisi, pikir erkinlikining boghulushi qatarliq bir qatar amillar keltürüp chiqiriwatidu, dep qarimaqta. Bolupmu bu xildiki ölüp kétishlerning yazghuchilar, sha'irlar, sen'etkarlar we oqutquchilar arisida bir qeder köp yüz bériwatqanliqlirini tekitleshmekte.

Ularning qarishiche hazir Uyghur élidiki ziyaliylarning köpinchisi gerche ölüp kétish xewipige dush kelmigen bolsimu, emma rohi jehettin heddidin ziyade bésimgha uchrash we özini ipadilesh jehette qattiq siqilish, köz aldida yüz biriwatqan naheqchiklerge mejburi berdashliq birish sewebidin rohi haliti we psixik jehettin binormalliship, oxshimighan tiptiki rohi késellerge giriptar boliwatqanliqlirini tekitlimekte. Hazir yawropa döletliride yashawatqan bir Uyghur ziyaliysi ziyaritimizni qobul qilip, bu heqtiki köz qarashlirini bayan qildi. (Yalqun)