Uyghur énsiklopédiyisi heqqide
2004.08.06
Insaniyet 21-esirning deslepki basquchlirini bashtin kechürüwatqan bu künlerde dunyadiki köpligen milletler we döletlerning alliqachan özlirining medeniyitini tonushturidighan milliy qamuslirini neshridin chiqirip bolup, téximu zor netijilerni qolgha keltürüshke tirishiwatqanliqi héch kimge sir bolmisa kérek? epsuski, Uyghurlar gerche asiya qit'esidiki nahayiti mol qedimiy medeniyet en'enilirini yaratqan bir qedimiy hem zamaniwi millet bolsimu, lékin taki hazirghiche özlirining medeniyitini xelq'aragha tonushturidighan milliy we uniwérsal qamusqa ige bolalmidi.
Mundaq ehwal astida Uyghur qamusini tüzüsh ning zörüriyiti we ehmiyiti qanchilik dégen mesilini chöridigen halda, amérikidiki yale uniwérsitétining oqutquchisi, doktor qahar barat ependi oz pikirliri we tekliplirini otturigha qoydi.
Milletshunaslarning yekünliridin qarighanda؛ Uyghurlar dunyadiki 2000din artuq millet ichide nopusi eng kop 100milletning biridur . Démek, Uyghurlar xitayda az sanliq millet hésablansimu , lékin dunya yüzide az sanliq millet dep qaralmastin belki, kop sanliq milletler qatarigha kiridiken, dunyadiki 200din artuq dölet we rayonning igisi hésablan'ghan xéli kop milletning nopusi musteqil döliti bolmighan Uyghurlardin xélila az hésablinidu.