0:00 / 0:00
دۇنيا ئۇيغۇر قۇرۇلتىيىنىڭ رەئىسى ئەركىن ئالىپتېكىن ئەپەندى، دۇنيا ئىسلام يىغىنى تەشكىلاتىغا يەنى ئىسلام كونفىرانسىغا مۇراجەتنامە يوللاپ، خىتاينىڭ شەرقىي تۈركىستاندا يۈرگۈزۈۋاتقان دىنىي زۇلۇم سىياسىتىنى قاتتىق ئەيىبلەش بىلەن بىرگە، مەزكۇر تەشكىلاتنى شەرقىي تۈركىستاندىكى دىنىي مەسىلىلەرگە يېقىندىن دىققەتتە بولۇشقا شۇنىڭدەك خىتاي ھۆكۈمىتى ئېلىپ بېرىۋاتقان دىنىي قىرغىنچىلىققا قارىتا ئاكتىپ ئىنكاس بىلدۈرۈشكە چاقىردى.
ئەركىن ئالىپتېكىن ئەپەندى يەنە، مۇھەممەت پەيغەمبەرنىڭ كارتون رەسىمى سەۋەبىدىن نۆۋەتتە مەيدانغا كېلىۋاتقان دىنىي مەسىلىلەر ھەققىدىمۇ ئۆز قاراشلىرىنى ئوتتۇرىغا قويۇپ ئۆتتى.