Hashar - u qul emgiki


2007-07-13
Share

Xitayda qara xumdan weqeliri pash bolup , qul ishlitish setchiliki otturigha chiqqan buyan bu heqtiki mulahiziler pütün dunya miqyasida dawam etmekte. Jümlidin mezkur mesile üstide tepekkür yüzgüzgen bezi Uyghurlar , xitaydiki qara xumdanlardin qulluqqa tutulghan ishchilarni qutuldurulush , ularning qanuniy hoquq menpe'etliri , ish heqqi we bashqa tölemlirini qayturush ishliri élip bériliwatidu .

Gerche xitay da'iriliri qanunsiz adem ishlitishke qet'iy qarshi turup , uni tazilap tügitish üchün mexsus qanun chiqirip heriket élip bériwatqan bolsimu , emma Uyghur élide, bu xil xitay hökümiti basturuwatqan qul emgiki yeni heqsiz ishlitish, mejburiy ishlitish , qanun'gha xilap halda adem ishlitishler hazirgha qeder dawamlashmaqta . U bolsimu hashar.

Uyghur déhqanliri qachan hashardin qutuldurilidu ? dégendek mulahizilerni otturigha qoymaqta . Bu heqte Uyghurlarning insani heq ‏- hoquqliri üchün pa'aliyet élip bériwatqan amérikidiki Uyghur kishilik hoquq programmisi dériktori alim séyitof ependi muxbirimiz gülchéhrening ziyaritini qobul qilip "hashar , u qul emgiki " dep körsetti.

Alim séytof ependige bérilgen su'allar.

-- Sizgimu melum nöwette , xitayda qara xumdan weqesi pash bolup xitayning nurghun jaylirida hetta Uyghur élidimu ishchilarni qul ornida ishletken mesililer otturigha chiqti , emma yillardin buyan peqet Uyghur élidila dawamliship kéliwatqan qanunsiz adem ishlitish xaraktérige yatidighan hashar emgiki tilgha élinmidi. Hemmimizge melum , Uyghur déhqanliri heqsiz ,mejburiy qatnishidighan, emgek jeryanida yarilansa hetta ölüp ketsimu heq telep dewasi bolmaydighan bu hashar hazirgha qeder dawam etmekte. Sizningche hasharmu qul emgikige kiremdu ?

-- Xitay hökümiti mexsus höjjet chüshürüp Uyghur élide hasharni 2005 - yilining axirghiche pütünley bikar qilidighanliqini élan qilghan idi. Emma Uyghur déhqanliri bügün'ge qeder hashardin qutulmidi . Bu yerdiki mesilini beziler yerlik kadirlardin körse , yene beziler xitay merkizi hökümitining köz boyamchiliqi , emeliyette siyasetni shular chüshüridu . Peqet yézilardiki yerlik kadirlar ijra qilidu xalas dégen qarashlarni otturigha qoyushidu ?sizningche bu siyasetni kim yürgüzüwatidu ? esla namratliqtin qutulmighan japakesh déhqanlarni bikarliq hashargha tutup,barmighanliridin jerimane élip dégendek ularni téximu namratliqqa ittirishtiki meqset néme?

-- Siz hasharni qul emgiki dep késip éyttingiz , igiligen melumatlirimizgha asaslan'ghanda déhqanlarmu hashardin omumyüzlük qaqshaydu. Emma Uyghur xelqining % 80 ini igileydighan hashargha tutuluwatqan ashu déhqanlar özining qulluq emgikige tutuluwatqanliqini , qanuniy heq ‏- hoquqlirining depsende qiliwatqanliqini chüshenmigechke buninggha naraziliq bildürelmeywatamdu yaki buningda bashqa sewebler barmu sizningche?

-- Uyghurlarning kishilik hoquq mesililirini dunyagha anglitish üchün pa'aliyet qiliwatisiler , shundaqla Uyghur déhqanlarning hashargha uchrash mesilisimu siler hel qilish yolini izdewatqan mesilining biri . Uyghur xelqining heqsiz mejburiy hashargha tutulush mesilisini anglitshta qandaq xizmetlerni ishlidinglar ? buning netijisi qanchilik bir tonushturup ötsingiz?

-- Emdi halqiliq bir mesile , Uyghur déhqanlirining hashargha tutulushining qanunsiz ikenlikini tonush hemde buninggha qarita inkas qayturush mesilisige kelsek , xitay hökümitining qattiq qol siyasiti astida yashawatqan Uyghurlar hashargha oxshash qanunsiz emgekke sélinip insaniy heq -hoquqliri biwaste depsendichilikke uchrawatqanliqidek erzini kimge , qandaq anglitishi kérek , bu heqte muwapiq tedbir yaki yol barmu ‏- yoq ? köz qarashliringizni otturigha qoyup baqsingiz?

Yuqiridiki ulinishtin, muxbirimiz gülchéhrening su'allirigha berilgen jawaplarni anglaysiz

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet