Ékisaq höseyniye mektipining tarixi we bügün

• Muxbirimiz gülchéhrening bu heqtiki melumati
• Download story audio

Uyghur yéngi ma'aripining ana makani bolghan ékisaq kentidiki höseyniye mektipi 120yildin artuq tarixi jeryanida türlük siyasiy, ijtima'iy tosalghularning cheklimisidin bösüp ötüp, özining meripet mesh'ili bilen Uyghur xelqini nadanliqtin qutulushqa, fé'odalizm, mustemlikilik, istibdatliq üstidin isyan qilishqa ündep kelgen idi.

Özining meripet uruqini pütün Uyghur élige chachqan bu mektep dewrimizge kelgende, xitay hökümitining "qosh tilliq ma'arip siyasiti" namidiki milliy ma'aripni xitaychilashturush siyasiti bilen pütünley xitayche ma'arip élip baridighan mektepke özgertilmekte. Bu, xitayning qosh tilliq ma'arip siyasitidin narazi boluwatqan Uyghurlarning yenimu küchlük naraziliqini qozghimaqta.

Bu heqte ilgiri yeni 1930 ‏- yillarda mezkur meripet buliqining süyini ichken nöwette türkiyining istanbul shehiride istiqamet qiliwatqan seley hajim muxbirimiz gülchéhrening ziyaritini qobul qilip, ékisaq höseyniye bashlan'ghuch mektipining tarixi, uning Uyghur penniy ma'aripida oynighan roli hemde uning tarixtin ta bügün'ge qeder xitayning süyqestige uchrap kéliwatqanliqlirini bayan qildi.