Вәтән ичидики уйғурлар деһқанларниң қош тил өгиниши вә қизларниң хитай өлкилиридә хизмәткә орунлишиш әһвали тоғрисида тохталди


2007-04-11
Share

Хитай һөкүмити қош тиллиқ маарип сияситини, ялғуз маарип саһәсидә кәң қанат яйдурупла қалмай , бәлки 30 милйон йүән сәрип қилип, уйғур елиниң җәнубидики үч вилайәт вә областниң деһқанлириға қарита хитай тили өгитиш сәпәрвәрликини бу йиллиқ чоң пилан қатариға киргүзгән.

Хитай даирилириниң дәсләп оқуғучилар, кейин хизмәтчиләр, әмдиликтә деһқанларни хитай тили өгинишкә мәҗбурлиши, вәтән сиртидики уйғурларниң наразилиқиниң техиму күчийип кетишигә сәвәб болмақта. Буниңдин сирт уйғур деһқанлирини һаллиқ сәвийигә йәткүзүш дегән намда уларниң қизлирини хитай өлкилиридики завутларға ишқа орунлаштуруш мәсилисиму кишиләрниң һәр хил гуман вә әндишлирини мәйданға кәлтүрүватқанлиқи тоғрисида истансимиз мухбирлириниң мәлуматлирини изчил аңлитип келиватимиз. Әмма бу мәсилигә вәтән ичидики бир қисим уйғурлар наһайити аддий қариса, йәнә бир қисим уйғурлар һөкүмәтниң мәзкур сияситигә тақабил турушта өзлириниң илаҗисиз икәнликини билдүрди.

Биз хитай һөкүмити нурғун мәбләғ селип, хитай тили өгитишни тәшәббус қиливатқан вә қизларни көпләп хитай өлкисигә йөткәватқан җәнубий районларға телефун уруп, уларниң юқирида тилға елинған мәсилиләр үстидики қарашлирини игилидуқ.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт