Weten ichidiki Uyghurlar déhqanlarning qosh til öginishi we qizlarning xitay ölkiliride xizmetke orunlishish ehwali toghrisida toxtaldi


2007-04-11
Share

Xitay hökümiti qosh tilliq ma'arip siyasitini, yalghuz ma'arip saheside keng qanat yaydurupla qalmay , belki 30 milyon yü'en serip qilip, Uyghur élining jenubidiki üch wilayet we oblastning déhqanlirigha qarita xitay tili ögitish seperwerlikini bu yilliq chong pilan qatarigha kirgüzgen.

Xitay da'irilirining deslep oqughuchilar, kéyin xizmetchiler, emdilikte déhqanlarni xitay tili öginishke mejburlishi, weten sirtidiki Uyghurlarning naraziliqining téximu küchiyip kétishige seweb bolmaqta. Buningdin sirt Uyghur déhqanlirini halliq sewiyige yetküzüsh dégen namda ularning qizlirini xitay ölkiliridiki zawutlargha ishqa orunlashturush mesilisimu kishilerning her xil guman we endishlirini meydan'gha keltürüwatqanliqi toghrisida istansimiz muxbirlirining melumatlirini izchil anglitip kéliwatimiz. Emma bu mesilige weten ichidiki bir qisim Uyghurlar nahayiti addiy qarisa, yene bir qisim Uyghurlar hökümetning mezkur siyasitige taqabil turushta özlirining ilajisiz ikenlikini bildürdi.

Biz xitay hökümiti nurghun meblegh sélip, xitay tili ögitishni teshebbus qiliwatqan we qizlarni köplep xitay ölkisige yötkewatqan jenubiy rayonlargha téléfun urup, ularning yuqirida tilgha élin'ghan mesililer üstidiki qarashlirini igiliduq.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet