ئىسمائىل سەمەتنىڭ يېقىن دوستى، ئىسمائىل سەمەت خۇراپاتلىققا قارشى چىققان، دەيدۇ
خىتاي ھۆكۈمىتىنىڭ 2005- يىلى 10-ئاينىڭ 31- كۈنى ئۈرۈمچى شەھەرلىك خەلق ئوتتۇرا سوتى تەرىپىدىن ئىسمائىل سەمەتكە بېرىلگەن ئۆلۈم ھۆكۈمىنى 8- فېۋرال كۈنى ئىجرا قىلىشى خەلقئارا كىشىلىك ھوقۇق تەشكىلاتلىرى ۋە چەتئەللەردە پائالىيەت ئېلىپ بېرىۋاتقان ئۇيغۇر تەشكىلاتلىرىنىڭ قاتتىق تەنقىدىگە ئۇچرىدى. خەلقئارا كىشىلىك ھوقۇقنى كۈزىتىش تەشكىلاتى، سوتنىڭ ئادالەتلىك بولمىغانلىقىنى، خىتاي ھۆكۈمىتىنىڭ ئىسمائىل سەمەتكە ئۆزىنى ئاقلاش ئۈچۈن پۇرسەت بەرمىگەنلىكنى ھەمدە ئۇنىڭ تېررورلۇق پائالىيەتلىرىگە قاتناشقانلىقىنى ئىسپاتلايدىغان ھېچقانداق پاكىت- ئوتتۇرىغا قويمىغانلىقىنى بىلدۈرمەكتە.
كىشىلىك ھوقۇقنى كۆزىتىش تەشكىلاتى مەسئۇللىرى شۇنداقلا، خىتاي ھۆكۈمىتىنىڭ ئىسمائىل سەمەتنى 1990- يىللىرىنىڭ ئوتتۇرىلىرىدا ئىككى قېتىم قىسقا مۇدەتتىلىك قاماق جازاسىغا ھۆكۈم قىلغانلىقىنىڭ ئۆزىلا، ئۇنىڭ تېررورلۇق پائالىيەتلىرىگە قاتناشمىغانلىقىنىڭ بىر ئىسپاتى بولالايدۇ. ئەگەر ئۇنىڭ تېررورلۇق پائالىيەتلىرىگە قاتناشقانلىقى ھەققىدە خىتاي ھۆكۈمىتىنىڭ قولىدا بىر ئىسپات بولغان بولسا، ئىسمائىل سەمەتكە شۇ چاغنىڭ ئۆزىدىلا قاتتىق جازا بېرىلەتتى، دېيىشمەكتە. چەتئەللەردە پائالىيەت ئېلىپ بېرىۋاتقان ئۇيغۇر تەشكىلاتىرى بولسا، ئىسمائىل سەمەتنى ۋەتىنى ۋە مىللىتىنىڭ ئەركىنلىكى ئۈچۈن ئۆسمۈرلۈك چاغلىرىدىن باشلاپ، پائالىيەتكە باشلىغان ئوت يۈرەك بىر ئۇيغۇر پەرزەنتى دەپ تونۇشتۇرماقتا.
ئىسمائىل سەمەت زادى قانداق خاراكتېرلىك بىر كىشى ئىدى؟ ئۇ قانداق پائالىيەتلەرنى ئېلىپ بارغان؟ بۇ ھەقتە مۇخبىرىمىز ئۆمەر قاناتنىڭ ئىسمائىل سەمەتنىڭ يېقىن دوستى ۋە سەپدىشى، ھازىر گېرمانىيىدە ياشاۋاتقان ئابىتجان بىلەن ئۆتكۆزگەن سۆھبتىدىن ئاڭلاڭ.
مۇناسىۋەتلىك ماقالىلار
- خىتاي ھۆكۈمىتىنىڭ ئىسمائىل سەمەتكە ئۆلۈم جازاسى ئىجرا قىلغانلىقى تۈركىيە مەتبۇئاتىدىكى مۇھىم تېمىغا ئايلاندى
- خەلقئارا تەشكىلاتلار ئىسمايىل سەمەتكە بېرىلگەن ئۆلۈم جازاسىنى ئىجرا قىلغانلىقىغا قاتتىق نارازىلىق بىلدۈردى
- خىتاي دائىرىلىرى پاكىستان تەرىپىدىن قايتۇرۇپ بېرىلگەن ئىسمائىل سەمەتكە ئۆلۈم جازاسى ئىجرا قىلدى
- ئىسمايىل سەمەت خىتاي ھۆكۆمىتى تەرىپىدىن ئۆلۈمگە ھۆكۈم قىلىندى
- غۇلجادا تۈرمىدىن چىققان ياقۇپ ھەسەن ھارپا كۈنى، ئوغلى بىلال ياقۇپ ھېيت كۈنى تۈگەپ كەتكەن
- «قەشقەر كوناشەھەر ھۆججىتى» ئۇيغۇرلارغا قارىتىلغان تۇتقۇننىڭ كۆلىمىنى يەنە بىر قېتىم ئاشكارىلىدى
- شاڭخەي كوچىلىرىدىكى سەرگەردان ئۇيغۇر يىگىتى ۋە خىتاي زاۋۇتلىرىغا يۆتكەلگەن ئۇيغۇرلار
- ب د ت ئەمەلدارىنىڭ خىتاينىڭ ئۇيغۇرلار ھەققىدىكى ساختا تەشۋىقاتلىرىغا ماسلىشىپ، خىتايدىن 200 مىڭ دوللار پۇل ئالغانلىقى ئاشكارىلاندى
- ئەنگىلىيەدىكى بىر تەشكىلات ئەنگلىيەنىڭ ئۇيغۇر ئېلىدىكى ۋەھشىلىككە چېتىشلىق خىتاي ساقچى ئورگانلىرى بىلەن بولغان ئالاقىسىنى پاش قىلدى
