Ottura mektep oqughuchiliri jem'iyet, a'ile we mekteptin némilerni kütidu?

• Muxbirimiz gülchéhrening bu heqtiki melumati
• Download story audio

Yéqinda xitay ma'arip ministirliqi, jama'et xewpsizlik ministirliqi we medeniyet ministirliqi qatarliq on nechche orun birlikte "ottura, bashlan'ghuch mektep hemde balilar baghchilirini bixeter bashqurush "nizamini tüzüp chiqip élan qildi. Shundaqla bu nizam 1 - séntebirdin bashlap ijra qilinmaqchi. Bu nizam arqiliq mekteplerde yüz bérish éhtimalliqi bolghan xeterlik amillar hemde weqelerdin oqughuchilarni qoghdashni meqset qilidiken.

Yash ösmürlerning jinayet sadir qilish, pisxikiliq késellik peyda bolush, zeherlik chékimliklerge bérilish nisbiti barghanche yuqirilap, ata ‏- anilar hemde munasiwetlik tarmaqlarda endishe qozghimaqta, yash ösmürler peqet qanun ‏- nizam yaki tüzümler bilen bashqurushqila emes belki a'ile, jem'iyet hemde mektepning ularni chüshinishige, toghra yéteklishige, téximu yéqin köngül bölüshige muhtaj bolmaqta.

Yéqinda ottura mektepni tamamlap amérikigha oqushqa kelgen bir Uyghur yash, Uyghur élide ottura mektep oqughuchilirining a'ile, jem'iyet hemde mekteptin némilerni kütidighanliqi, ularning qandaq bésimlargha uchrawatqanliqi qatarliq mesililer heqqide muxbirimiz gülchéhre bilen söhbette boldi.