Xitayning Uyghur wetinini talan - taraj qilish siyasiti kücheymekte


2007.09.18

Xitaydiki her sahe axbarat wasitilirining 14 - siéntebirdiki xewirige asaslan'ghanda, 12 - séntebir küni, xitay bash ministiri wén jyabaw riyasetchilikide shangxeyde chaqirilghan merkizi komitét da'imiy hey'etlirining " shinjyangning iqtisadi tereqqiyatini tizlitish muhakime yighini" da, Uyghur wetinining tebi'iy bayliqlirini qézish kölimini kéngeytish we tizlitish programmisi yene bir qétim otturigha qoyulghan.

13 - Séntebir küni xitay ma'arip komitéti we milliy ishlar komitéti teripidin ürümchide chaqirilghan " shinjyang we tibetning az sanliq millet ixtisas igilirini terbiyilesh muhakime yighini"dimu iqtisadi tereqqiyatini ilgiri sürüsh mesilisi nuqtiliq muzakire qilin'ghan.

Xitay bash ministiri wén jyabaw " iqtisadi tereqqiyatini tizlitish muhakime yighini"da, besh türlük muhim yolyoruqni otturigha qoyup, qézish kölimini kéngeytish hem tézlitishning xitayning tereqqiyati üchün pewqul'adde muhim istratégiyilik ehmiyetke ige ikenlikini tekitligen bolsa, " shinjyang we tibetning az sanliq millet ixtisas igilirini terbiyilesh muhakime yighini"da atalmish Uyghur aptonom rayonining rehberliri " gherbni échish we güllendürüsh" istratégiyisige az sanliq millet ixtisas igilirining bir ülüsh hesse qoshush mejburiyitini tekitligen.

Diqqetni chékidighini shuki, goya Uyghur wetinining siyasiy weziyiti muqimsizliship ketkendek, bu her ikki yighinda aldi bilen algha sürülgen mesile, shinjyangning muqimliqini saqlash mesilisi bolghan. Uyghur éli xitay hökümet organliri teripidin " weziyiti muqim, milletler ittipaq, omumi weziyiti tarixtiki eng güllen'gen we muqimliq emelge ashqan bir dewirge kirdi" dep teripliniwatqan bir weziyette, néme üchün muqimliq mesilisi da'im asasiy mesile süpitide tekitlinidu?

Bu heqte d u q bayanatchisi dilshat réshit ependi bilen élip barghan söhbet xatirisini diqqitinglargha sunimiz. (Ekrem)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.