Qeshqer shehirining döletbagh yézisida yüz bergen bir weqe heqqide radi'omizgha kelgen inkas


2008-03-14
Share

Qeshqer shehiridin melum bir Uyghur, hazir shwétsiyide turuwatqan yurtdéshi abdurishit haji kérimi ependige téléfon qilip, qeshqer shehirining döletbagh yézisida yüz bergen bir weqeni bayan qilghan. Bu Uyghur dunyadin qanuniy yardem soraydighanliqini ipadiligen. Emma u özining nami we awazini hazirche radi'oda bérishni xalimaydiken.

Uning bayan qilishiche, qeshqer shehiri döletbagh yézisining 2 - we 9 ‏- etritidin memet tursun we qurbanjan dégen ikki diniy zatni 'dinni teshwiq qilding' dep saqchilar tutup kétip, birini urup öltürüp jesitini a'ilisige tapshurup bergen, yene birini qattiq zexmilendürüp a'ilisige qayturup bergen.

Öz yurtida yüz bergen weqeni bayan qilghan bu kishi 'qeshqer dégen tarixtin buyan Uyghurlar özimiz yashap kelgen bu zéminda, hazir özimizde gep qilidighan'gha éghiz, midirlighili zémin yoq ' dep dert éytqan.

Uyghur yurtliridin téléfon arqiliq bayan qilin'ghan bu weqeliktiki uchurlargha asasen, qeshqer sheherlik hökümetke we munasiwetlik saqchi orunlirigha téléfon qilip weqeni éniqlashqa tirishtuq. Qeshqer sheherlik hökümetning tor bétide sheherlik hökümet téléfoni dep élan qilin'ghan 9982823386 dégen nomuridin peqet tijaret élani chiqti.

Uningdin kéyin, téléfon nomuri sorash istansisidin éytip bergen nomur döletbagh yézisining saqchixanisi bolmay, belki toqumichiliq fabrikisi saqchixanisi bolup chiqti. Bu saqchixanidikiler téléfonni aldi, döletbagh yézisining saqchixanisidin sorishimiz lazimliqini bayan qildi. Döletbagh saqchixanining téléfon nomurini bilish üchün yene nomur sorash istansisidin qayta sorisaq, bizge téléfon nomurini éytip bermey téléfonni üziwetti. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet