Xitayda emeldarlarning unwan élish dolquni kötürüldi


2007-11-15
Share

'Nezer' heptilik géziti (bu eslide shinxu'a agéntliqi qarimiqidiki bir gézit bolup, kéyin hökümet uni chekligen, hazir xelq ichide mushu nam bilen neshr qiliniwatqan tor gézitimu bar) de ashkarilinishiche, xitayda kommunist emeldarliri ichide hazir 'ilmiy unwan' élish dolquni yene qozghaldi. Emeldarning ilmiy unwani yildin ‏- yilgha yuqiri örlimekte. Bezi emeldarlarning hazir bir nechche xil unwani bar. Biridin‏- biri yuqiri. Bezi emeldarlarning özining waqti yetmise katipliri mektepke bérip ders élip uninggha unwan élip kélidu.

Uyghurlarning ilmiy unwani bolsimu, xizmet tépishi qéyin

Bu mesile heqqide yawropada chiqidighan 'gherb shamili zhurnili'ning tehriri haji abduréshit kérimi obzor élan qildi. Uning qarishiche, emel tutush üchün unwan élish hadisiliri xitayda, bolupmu sherqiy türkistanda nahayiti éghir, bu mesilini kommunist partiye yalghuz hoquq tutidighan mustebit tüzüm shara'itida hel qilghili bolmaydu.

Haji abduréshit kérimining bayan qilishiche, Uyghur aptonom rayonida heqiqiy ilmiy unwani bar Uyghurlarni chetke qéqip, xitaylarning unwani yalghan bolsimu ularni xizmetke alidighan, eger Uyghurlar bundaq kemsitishke narazi bolsa jazagha tartilidighan hadise nahayiti éghir.

Mekteplerdiki siyasiy ders oqughuchilarning waqtini israp qilmaqta

Haji abduréshit kérimining bayan qilishiche, xitayning ma'arip séstimisida mesile bar. Mekteplerde 'siyasiy ders' deydighan birxil ders bar. Buning bilen oqughuchilarning ilim öginidighan waqti israp bolidu, ular chet'ellerdikidek toluq ilmiy telim élip yétiship chiqalmaydu. Bolupmu kommunistlarning ilim sewiyisi töwen, ularning tolisi 'aktip'liqtin kélip chiqqan, partiye mektepliride oqughan shunglashqa ulargha hazir mensep tutush üchün ' ilmiy unwan' kérek bolmaqta. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet