Д у қ ниң ваң лечүәнниң чәтәлләрдики хитай әлчиханилири хадимлириға ейтқан сөзлиригә инкаси

• Мухбиримиз үмидварниң бу һәқтики мәлумати
• Download story audio

Хитайниң уйғур елидики партком секретари ваң лечүән. AFP

Хитай һөкүмити чәт әлләргә қаратқан тешвиқатни күчәйтишкә әһмийәт бәрмәктә. Шинҗаң хәвәр ториниң 9-авғуст күнидики учуридин мәлум болушичә, уйғур аптоном райони партком секритари ваң лечүән уйғур аптоном районида тәкшүрүш елип беришқа кәлгән хитайниң 30 дөләттә турушлуқ әлчилиридин тәшкилләнгән бир әлчиләр өмикини қобул қилип, улардин шинҗаңни чәт әлләргә тәшвиқ қилишни күчәйтишни тәләп қилған.

Йеқинқи вақитлардин буян хәлқара мәтбуатларда уйғурлар мәсилиси, җүмлидин уйғур елиниң вәзийити һәққидики түрлүк учурлар көпләп елан қилинишқа башлиғандин сирт йәнә хәлқаралиқ инсан һоқуқи тәшкилатлириму уйғурларниң нөвәттә дуч келиватқан вәзийити һәққидә доклатларни елан қилип, өзлириниң тәнқидлирини билдүргән иди. Көзәткүчиләрниң қаришичә, хитай рәһбәрлири мәхсус шинҗаңни тәшвиқ қилиш арқилиқ, хәлқара җәмийәтниң тәнқидий көз қарашлирини өзгәртишкә интилмәктә .

Уйғур аптоном районлуқ партком секритари ваң лечүән хитайниң франсийидә турушлуқ әлчиси җав җиңҗүн башчилиқидики әлчиләр өмикини күтүвалғанда, " шинҗаңниң иқтисадий тәрәққияти тез, милләтләр иттипақ, һәр милләт аммиси тинч, хошал-хорам яшимақта, чәтәлләрдики әлчиханилардин шинҗаңни чәт әлләргә тәшвиқ қилишни техиму күчәйтип, чәт әлләрниң шинҗаңниң һәқиқий әһвалини, шинҗаңниң иҗтимаий-иқтисадий тәрәққият әһвалини чүшинишини илгири сүрүши лазим" дәп тәкитлигән .

Дуня уйғур қурултийиниң баянатчиси дилшат решит әпәнди бу мунасивәт билән мухбиримиз үмидварниң зияритини қобул қилип, өз көз қарашлирини оттуриға қойди.