D u q ning wang léchüenning chet'ellerdiki xitay elchixaniliri xadimlirigha éytqan sözlirige inkasi

• Muxbirimiz ümidwarning bu heqtiki melumati
• Download story audio

Xitayning Uyghur élidiki partkom sékrétari wang léchüen. AFP

Xitay hökümiti chet ellerge qaratqan téshwiqatni kücheytishke ehmiyet bermekte. Shinjang xewer torining 9-awghust künidiki uchuridin melum bolushiche, Uyghur aptonom rayoni partkom sékritari wang léchüen Uyghur aptonom rayonida tekshürüsh élip bérishqa kelgen xitayning 30 dölette turushluq elchiliridin teshkillen'gen bir elchiler ömikini qobul qilip, ulardin shinjangni chet ellerge teshwiq qilishni kücheytishni telep qilghan.

Yéqinqi waqitlardin buyan xelq'ara metbu'atlarda Uyghurlar mesilisi, jümlidin Uyghur élining weziyiti heqqidiki türlük uchurlar köplep élan qilinishqa bashlighandin sirt yene xelq'araliq insan hoquqi teshkilatlirimu Uyghurlarning nöwette duch kéliwatqan weziyiti heqqide doklatlarni élan qilip, özlirining tenqidlirini bildürgen idi. Közetküchilerning qarishiche, xitay rehberliri mexsus shinjangni teshwiq qilish arqiliq, xelq'ara jemiyetning tenqidiy köz qarashlirini özgertishke intilmekte .

Uyghur aptonom rayonluq partkom sékritari wang léchüen xitayning fransiyide turushluq elchisi jaw jingjün bashchiliqidiki elchiler ömikini kütüwalghanda, " shinjangning iqtisadiy tereqqiyati téz, milletler ittipaq, her millet ammisi tinch, xoshal-xoram yashimaqta, chet'ellerdiki elchixanilardin shinjangni chet ellerge teshwiq qilishni téximu kücheytip, chet ellerning shinjangning heqiqiy ehwalini, shinjangning ijtima'iy-iqtisadiy tereqqiyat ehwalini chüshinishini ilgiri sürüshi lazim" dep tekitligen .

Dunya Uyghur qurultiyining bayanatchisi dilshat réshit ependi bu munasiwet bilen muxbirimiz ümidwarning ziyaritini qobul qilip, öz köz qarashlirini otturigha qoydi.