Uyghur aptonom rayoni wekillirini qazaqistan'gha teklip qilghan qazaqistan Uyghurliri bilen söhbet


2005.11.03

Yéqinda Uyghur aptonom rayonluq hökümetning mu'awin re'isi jappar hebibulla bashchiliqidiki bir wekiller ömiki qazaqistan jumhuriyetlik Uyghur medeniyet merkizi we qazaqistan xelq asambilisining teklipige asasen qazaqistanni ziyaret qilghan . Köpchilike melum bolghandek, Uyghur medeniyet merkiziy rehberliri bu yilning bashlirida xitay hökümitining teklipige asasen Uyghur aptonom rayonida ziyarette bolghan.

Xitay wekiller ömiki bir qazaqistan'gha qaratqan bir heptlik sepiri jeryanida, jumhuriyetlik Uyghur medeniyet merkiziy rehberlirining orunlashturushi bilen, qazaqistanning paytexti astanida ziyarette bolghan hemde almuta we bashqa rayonlardiki Uyghurlar bilen uchrashqan .

Igilishimizche xitay wekiller ömiki qazaqistandiki uchrishishliri jeryanida, xitay hökümitining Uyghur aptonom rayonida élip bériwatqan siyasetliri medhiyilep, qazaqistandiki Uyghurlarni, Uyghur aptonom rayoni we xitay hökümiti yéqin alaqe ornitishqa chaqirghan.

Bu munasiwet bilen muxbirimiz ömer qanat Uyghur aptonom rayonluq hökümetning mu'awin re'isi jappar hebibulla bashchilighidiki xitay wekiller ömikining qazaqistan ziyaritining orunlashturulishida muhim rol oynighan qazaqistan jumhuriyetlik Uyghur medeniyet merkizining re'isi exmetjan sherdinof, mu'awin re'is azat hekimbég we idare hey'iti ezasi abliz abdullayéflarni ziyaret qilip, mezkur ziyaret heqqide söhbet ötküzdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.