Milliy térritoriyilik aptonomiye qanunimu yaki köchet tikish uqturishimu ?
2006.06.30
Istansimizning teklip qilin'ghan obzorchisi sidiq haji rozi ependi bir qanche kündin béri, xitay hökümiti yolgha qoyghan aptonomiye qanuni we uning ijra qilinish heqqide öz qarashlirini otturigha qoyghan idi. Bügün u milliy térritoryilik aptonomiye qanunining heqiqi mahiyiti toghrisida mulahize yürgüzüp, mezkür qanunning 27 - maddisi heqqide toxtaldi.
"Milliy térritoriyilik aptonomiye qanuni" ning 27 - maddisi:
Milliy aptonomiyilik jaylarning aptonomiye organliri qanundiki belgilimlerge asasen, öz tewesidiki yaylaq we ormanlargha igidarliq qilish hoquqini we ulardin paydilinish hoquqini belgileydu.
Milliy aptonomiyilik jaylarning aptonomiye organliri yaylaq we ormanlarni muhapizet qilidu we berpa qilidu. Köchet - jirim tikish we ot - chöp térishqa teshkilatchiliq qilidu we ilham béridu. Her qandaq teshkilat yaki shexsning yaylaq we ormanlargha her qandaq wasite bilen buzghunchiliqi qilishini men'iy qilidu. Yaylaq we ormanlarda ot - chöp we del - derexlerni weyran qilip térilghu yer échishni men'iy qilidu.