Xitayning rabiye xanimgha qaratqan yéngi istiratégiyisi

• Obzorchimiz perhat muhemmidining bu heqtiki toluq melumati
• Download story audio

Sherqiy türkistan milliy herikitining rehbiri, Uyghurlarning meniwiy anisi we dunya Uyghur qurultiyining re'isi rabiye qadir xanimning xelq'ara siyasiy sehnilerdiki tesirining kündin ‏- kün'ge éship bérishi, kommunist xitay hakimiyitini qattiq sarasimige salmaqta we yéqinqi mezgillerdin buyan rabiye xanimgha qaratqan hujum istratégiyisini özgertip, ichki we tashqi teshwiqatlirida rabiye xanimning iqtisadi mesililirini nuqtiliq orun'gha qoyup, uninggha, " iqtisadi jinayetchi " dégen qalpaqni keydürüsh arqiliq, özlirining bigunah insanlargha ziyankeshlik qilishtiki eng asasliq wastilirining biri hésablan'ghan " sésitip yoqitish " taktikisini qollinip kelmekte.

Emma shu bir emeliyetki, xitay hakimiyiti rabiye xanimni sésitimen dégensiri, özi sésip, dunya jama'etchiliki aldida özlirining namertlikini yene bir qétim ashkarilap bermekte.

Mesilen, yéqinqi bir - ikki heptidin buyan xitay bixeterlik tarmaqliri, intérnét dunyasidiki eng zor sinalghu filimlirini tarqitish merkezlirining biri hésablan'ghan "yotub" tor bétide, rabiye xanimni iqtisadi jehettin qarilashni asasi mezmun qilghan köpligen sinalghu filimlirini arqa - arqidin élan qilmaqta.

Bu filimlerde, xitay hakimiyiti teripidin meqsetlik halda orunlashturulghan we tégi - tekti namelum bolghan bezi ghurorsiz Uyghur shexisler, özlirini qandaqtur rabiye xanimning aldimigha uchrap iqtisadi jehettin weyran bolghanlar qilip körsitip, rabiye xanimning köpligen kishilerdin alghan qerzini tölimey amérikigha qéchiwalghanliqini, hetta rabiye xanim teripidin eyni chaghda qurulghan we pütün sherqiy türkistan xelqining alqishigha sazawer bolghan " ming ana shirkiti " nimu bashqilardin pul ündürüwélish meqsidide qurghanliqini ilgiri sürüshmekte.

Yuqiridiki ulinishtin, obzorchimiz perhat muhemmidining bu heqte yürgüzgen mulahizisining tepsilatini diqqitinglargha sunimiz.