Uyghur élidiki eydizni kontrol qilish üchün ammiwi teshkilatlar meydan'gha chiqmaqta


2005.04.28
Share on WhatsApp
Share on WhatsApp

Xitay hökümitining élan qilghan doklatliridin melumki, nöwette Uyghur éli meyli eydizler sani jehette yaki tarqilish tézliki jehette bolsun, eydiz mesilisi eng éghir rayonlarning biri hésablinidu.

Uyghurlar yuqiri nisbetni igileydu

Igilishimizche Uyghur élidiki melum bolghan eydizlerning yigirme minggha yetkenliki, ularning 90٪tin köprekining Uyghurlar ikenliki, shundaqla bularning asasen zeherlik chékimlikni ortaq okul qilip urush arqiliq yuqumlan'ghanlar ikenliki melum.

Gerche Uyghur élide eydiz mesilisining éghirliqi tilgha élin'ghanliqigha 10 yil bolghan bolsimu, hazirgha qeder, hökümet tereptin mexsus eydiz tetqiqat orgini yaki eydiz doxturxanisi qurulmighan. Gerche Uyghur élide hökümet tarmiqida jinsiy késellikler hemde eydizning aldini élish jem'iyiti namida bir organ qurulghan bolsimu, bularning Uyghur élide élip bériwatqan xizmiti asasen, eydizge qarshi terbiyiwi - teshwiqat ishlirini élip bérish bilenla cheklenmekte.

Xalis kishiler otturigha chiqmaqta

Uyghur élide eydiz weziyiti shunche keskin bolsimu emma buning üchün élip bériliwatqan aldini élish ishlirining yéterlik bolmasliqi shundaqla munasiwetlik da'irilerning ünümlük tedbir qollanmaywatqanliqi jemiyettiki bezi xalis kishilerning eydizni kontorul qilish üchün xalis heriket qollinishigha seweb bolghan.

Uyghur élide eydiz telim - tetqiqat türliri boyiche xalisane xizmet ishlewatqan melum ammiwi teshkilatning ismini ashkarlashni xalimighan teshkilat mudiri ziyaritimizni qobul qilip, mezkur teshkilatning nöwette jem'iyetning shundaqla xelq'araliq eydiz tetqiqat fondi orunlirining Uyghur élidiki eydiz mesililirige köngül bölüshini qolgha keltürüsh üchün mexpiy izdiniwatqanliqini éhtiyatchanliq bilen bildürdi.

Xalis kishi bilen söhbet

Xalis kishi - Bu mesile bir qeder nazuk, men bixeterlik yüzisidin bizning teshkilat namimiz hemde ismimni ashkarlashni xalimaymen, belkim hazirning özidimu téléfonda déyishken sözlirimiz, nezer astida bolishi mumkin. Uyghurlarning eydiz mesilige köngül bölüsh üchün teshkillen'gen bu pa'aliyetni men uyushturghan. Men özem shinjangliq emes, méning esli kespim muhit asrash idi emma men Uyghur rayonigha kelgendin kéyin bu yerde muhit mesililiridinmu bekrek éghir mesilining barliqini körüp ichim échishti, u bolsimu eydiz mesilisi. Shunga men bu mesilige köngül bölidighan aliy mektep oqughuchiliri hemde munasiwetler arqiliq bir qisim jem'iyet ezalirini uyushturup, küchimizning yétishiche, eydizge qarshi ish qiliwatqan xelq'araliq teshkilatlarning déqqitini tartishqa tirishimiz, shu arqiliq Uyghur élining eydiz ishliri üchün yardem qilmaqchi.

Muxbirimiz - Bilishimizche Uyghur aptonum rayonida mexsus eydizning aldini élish jem'iyiti dep bir jem'iyet bar iken'ghu, silerning u teshkilat bilen alaqenglar yoqmu?

Xalis kishi - U siz dewatqan eydizning aldini élish jemiyiti, hökümetning bashqurishidiki bir jem'iyet, chüshendingizmu ? shunga uning néme ish qilishi pütünley hökümetning konturulliqida, biz bolsaq bir xalisane erkin guruppa. Biz mushu xaraktérimiz bilen téximu jiq ish qilalaymiz dep oylaymiz. Chünki eydizning aldini élish jem'iyiti hazirgha qeder eydizler üchün héchqandaq ish qilip baqmidi.

Muxbirimiz - Undaqta sizningche, silerning qiliwatqan bu ehmiyetlik ishliringlar hökümetning qollishigha érishelmemdu?

Xalis kishi - Shundaq hökümet bizni qarshi almaydu, biz özimizni tizimghimu aldurmiduq, chünki bizning qilidighan ishlirimiz shinjangning weziyitige hemde buyerdiki emeliy ehwal bilen ziddiyetlik. Shunga bu ishni nahayiti éhtiyat bilen élip bériwatimiz. Bolupmu Uyghur élide eydizler asasen Uyghurlar bolghachqa bu mesile bu jayda bir milliy mesile hisaplinidiken. Bashqa eydiz éghir bolghan jaylardin perqliq. Shunga bizning ishlirimni resmi bashlighiche, yeni hökümet orunlirining qollishigha érishkiche bolghan ariliqta, éhtiyat bilen pa'aliyet qilmisaq bolmaydu. Hazirning özidimu télifonni anglawatqan bolsa qandaq bolar dep jiddiylishiwatimen.

Muxbirimiz - Undaqta eng axirqi bir so'alimni soray, sizningche Uyghur élide eydizning bundaq téz hem keng da'iride yamrishigha néme seweb bolghan ?

Xalis kishi - Buninggha jawab bérishtin qorqimen. Mushu yergiche bolsun, biznimu bek ashkarliwetmeslikinglarni ümid qilimen. Xeyr.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet