Sherqiy türkistan inqilabi jengchilirining eslimiliri (1)


2006-11-13
Share

zunun-arzuyof-et-200.jpg
Zunun arzuyéw ependi milliy armiye formisi bilen

1944 - Yilidin 1949 - yilighiche dawamlashqan sherqi türkistan jumhuriyiti Uyghurlarning hazirqi zaman tarixidiki muhim bir sehipe bolup, Uyghurlar özlirining mezkur shanliq tarixidiki elixan töre, exmetjan qasimi qatarliq dahiylarning azadliq yolidiki xelqni teshkillesh we rehberlik qilishtek siyasi pa'aliyetliri, ghéni batur, rizwan'gül qatarliq urush qehrimanlirining ish-izlirini da'im yad étishmekte.

Hazir eyni waqittiki inqilabqa qatnashqanlarning sani künsayin azlimaqta. Alma-ata shehiride yashawatqan 83 yashliq zunun arzuyéw aka eyni waqitta milliy armiyining podpolkownik unwanigha érishken ofitséri bolup, u köpligen jenglerge qatnashqan. U, öz muxbirimiz ümidwarning ziyaritini qobul qilip, béshidin ötküzgen musapilirini sözlep berdi.

Zunon arzuyéw aka 1923-yili ghuljida tughulghan, 1937-1940-yili ürümchidiki ölkilik daril mu'elliminde lutpulla mutellip, abduréyim ötkür qatarliqlar bilen birge oqughan hem kéyin mal doxturluq kespi ögengen. U, 1945 - yili mart éyida milliy armiye sépige qatniship, shimaliy fronttiki jenglerde tarbaghatay we altay wilayetlirini azad qilish sepliride jeng qilghan hemde kengsay atliq polk shitabida atlarning saghlamliqi, dawalash ishlirigha mesul komandir (qomandani) bolghan.

U 1946-yili ghuljigha yötkilip, milliy armiye bash qomandanliq shitabida koméndantliq ( qoghdashqa mesul) wezipisini aqturghan. 1947-Yili bandit tazilash jengliride bolghan. 1950-Yilidin kéyin herbiy septin boshap, mal doxturluq saheside xizmet qilghandin kéyin 1958-yili qazaqistan'gha köchüp chiqip, almutigha yerleshken.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet