مەسۈمجان زۇلپىقاروپنىڭ مىللىي ئىنقىلاب ھەققىدىكى بايانلىرى


2004.11.17

mesumjan.jpg

ئامېرىكىنىڭ پايتەختى ۋاشىنگتون شەھىرىدە 12-نويابىر كۈنى ئۆتكۈزۈلگەن شەرقىي تۈركىستان جۇمھۇرىيىتىنى خاتىرىلەش پائالىيىتىگە قاتنىشىش ئۈچۈن كەلگەن شەرقىي تۈركىستان مىللىي ئازادلىق ئىنقىلابىنىڭ قاتناشقۇچىسى، مىللىي ئارمىيىنىڭ كاپىتانى، يازغۇچى مەسۇمجان زۇلپىقاروپ ئەپەندى 17-نويابىر كۈنى رادىئو ئىستانسىمىزنى زىيارەت قىلىپ، ئۆز مۇخبىرىمىز ئۈمىدۋار بىلەن سۆھبەت ئۆتكۈزدى، ئۇ ئۆزىنىڭ ھايات مۇساپىلىرى بولۇپمۇ شەرقىي تۈركىستان جۇمھۇرىيىتىنى قۇرۇش ئۇرۇشلىرىغا قاتنىشىش جەريانىدا كۆرگەن-بىلگەنلىرى ۋە ھېس قىلغانلىرى ھەققىدە توختالدى.

مەسۈمجان زۇلپىقاروپ، مىللىي ئارمىيىنىڭ باتۇر ئوفىتسىرلىرىدىن بولۇپلا قالماستىن بەلكى، ئۇ ئاتاقلىق يازغۇچى ۋە شائىردۇر. ئۇ، قازاقىستانغا كۆچۈپ چىققاندىن كېيىن، ئىلگىرى-كېيىن 2 توملۇق تارىخىي رومان"يانار تاغلار" نى نەشر قىلدۇرغان. بۇنىڭدا 1865-1883-يىللىرىدا ئىلىدا يۈز بەرگەن ئۇيغۇر خەلقىنىڭ قوزغىلىڭى ۋە ئىلى سۇلتانلىقىنىڭ ئەھۋالى سۆزلىنىدۇ. مەسۈمجان زۇلپىقاروپ ئەپەندى لۇتفۇللا مۇتەللىپنىڭ ھاياتى ھەققىدىمۇ 1970-يىللاردا ئۇيغۇرلار ئارىسىدا تۇنجى قېتىم رومان يېزىپ نەشر قىلدۇرغان ، يېقىندا ئۇ يەنە "سەرراپ" دېگەن تېمىدىكى ئىككى توملۇق تارىخىي رومانىنىڭ 1-تومىنى كىتابخانلار بىلەن يۈز كۆرۈشتۈردى.

© 2004 Radio Free Asia

مۇناسىۋەتلىك ماقالىلار

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.