Afghanistan'gha saylam teyyarliqliri jiddi élip bérilmaqta

Afghanistan'gha, pat arida ötküzülidighan saylam pa'aliyetliri jiddi élip bérilmaqta, nöwette wezipe ötewatqan pirézidént karzay tunji qétim, kabulda özi üchün awaz toplash pa'aliyitini bashliwetken.

En'gliye b b s shirkitining xewirige qarighanda, 9 - öktebir küni ötküzülidighan saylam heqqide toxtalghan karzay "mejburiy yosunda dölet bashqurush dewri alliqachan ötüp ketti" dep bildürgen.

Bu qétim karzay, paytextte xelq arisida nutuq sözlep, xelqtin özini qollashni teshebbus qildi.

Bu arida, kabulda turushluq muxbirimiz, 5 - öktebir küni xitay hökümet wekillirining kabulda, afghanistan'gha 1 milyon amérika dolliri qimmitide maddiy buyum yardimi bérish heqqide imza maqullighanliqi we mushu ayning axiri xitay tashqi ishlar ministirining afghanistan bilen keng da'iride hemkarlishish meqsitide afghanistan'gha mexsus ziyarette bolidighanliqidin xewer tapqanliqini bildürdi. (Eqide)