Karzay afghanistan prézidéntlikike saylandi


2004-11-03
Share

Birleshken döletler teshkilati we afghanistan birleshme saylam komitéti charshenbe küni, waqitliq hökümet prézidénti xemid karzayning ötken ayda élip bérilghan prézidént saylimida utup chiqip, afghanistan prézidéntlikike resmiy saylan'ghanliqini jakarlidi. Amérika birleshme axbarat agéntliqining xewirige qarighanda, karzay 55٪ awazgha ériship, qalghan 15 neper namzatni yenggillik bilen yéngiwalghan. Bu xewerdin kéyin shimaliy atlantik ehdi teshkilatining qomandani we en'gliye bash ministiri toniy blér qatarliq nurghun dölet rehberliri karzayni we afghanistandiki tunji dimokratik saylamni arqa-arqidin tebrikleshti.

Afghanistanda bir ay burun élip bérilghan saylam, karzaydin bashqa namzatlarning 40 nechche türlük erz sunishi bilen saylam netijisi kéchiktürülüp, hetta buni tekshürüsh üchün b d t wekilliridin teshkillen'gen mexsus bir tekshürüsh guruppisi qurulghan idi.

Birleshme saylam komitéti bayanatchisining bildürishiche, tekshürüsh netijisige asaslan'ghanda, gerche saylamda süy'istimal qilish ehwali körülsimu, emma bu, saylam omumiy netijisige tesir körsetmigen.

Xemid karzay ilgiri, bu qétimliq afghansitan prézidént saylimining afghanistanning jenubidiki rayonlarda ghelibe qilishining, talibanlargha qilin'ghan bir chong zerbe hésablinidighanliqini bildürgen idi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet