Afghanistan, iranni eyiblidi

Shenbe küni afghanistan da'iriliri, iranni talibanlarni qoral bilen teminlewatidu, dep eyiblidi.

Fransiye agéntliqining xewer qilishiche, afghanistan saqchi da'iriliri, peyshenbe küni fra'e ölkiside, talibanlargha qarshi élip barghan bir tazilash herikiti jeryanida, nurghunlighan qoral-yaraq qolgha chüshürgen bolup, bu qorallarning köp qismi iranda yasalghan iken.

Fra'e ölkisining bashliqi muhittin baluchning éytishiche, mezkur qorallar, yéqinda iran arqiliq fra'e ölkisige kirgen. U shenbe küni muxbirlargha bergen bayanatida, "bu qorallarning iran hökümitidin xewersiz, afghanistan'gha kirishi mumkin emes" dep, iran hökümitini talibanlarni qoral bilen teminlewatidu, dep eyibligen.

Amérika we shimaliy atlantik okyan ehdi teshkilati xadimliri, bundin burun bir nechche qétim iran hökümitini talibanlargha yardem bériwatidu dep eyibligen. Lékin hazirghiche prézidént karzay hökümiti, iran bilen munasiwetlerni buzmasliq üchün, bu eyibleshlerni ret qilip kelgen idi. (Ömer qanat)