Türkmenistan we afghanistan yéngi turuba yoli yasashni pilanlimaqta

Türkmenistan we afghanistan dölet bashliqliri, türkmenistanning teb'iy gazini dunya bazarlirigha yötkesh üchün, türkmenistandin afghanistan arqiliq pakistan we hindistan'gha sozulidighan teb'iy gaz turubi'isi yasash mesilsini muzakire qildi.

Türkmenistanning paytexti ashxabatta, afghanistan prézidénti xamid karzay we türkmenistan prézidénti qurban'guli berdi muhhemedof otturisida élip bérilghan söhbetlerde, türkmenistan prézidénti afghansitanni pulsiz éléktir bilen teminleshni wede qilghan.

Afghanistan prézidénti xamid karzay, türkmenistan dölet bashliqi berdmuhemmeduf bile birlikte ötküzgen muxbirlarni kütüwélish yighinida, ikki terep söhbitining asasliq témisini afghanistandin ötidighan teb'iy gaz turubisi yasash mesilisi teshkil qilghanliqini bildürdi.

Türkmenistandin, afghanistan arqiliq pakistan we hindistan'gha sozulidighan tebi'y gaz turubisi yasash pikri on yil burun otturigha qoyulghan idi. Türkmenistan hazirghiche teb'iy gazini peqet rusiye arqiliq dunya bazarlirigha éksport qilmaqta.

Afghanistan prézidénti hamid karzay söhbetler jeryanida türkmenistan prézidéntining türkmenistanni afghanistan'gha tutashturidighan bir tömür yoli yasash teklipini otturigha qoyghanliqini, afghanistan hökümitining bu teklipni jiddiy közdin kechürüp chiqidighanliqini bildürdi. (Ömer qanat)