Кабулда партилаш вәқәси йүз бәрди
2004.08.29
Афғанистан пайтәхти кабулда йәкшәнбә күни өзини өлтүривелиш харәктирлик партилтиш вәқәси йүз берип , аз дигәндә 10 адәм өлди .
Партилаш вәқәси , машиниға қачиланған бир бомбиниң кабул шәһәр мәркизидики америка бихәтәрлик ширкити - дейн коператипиниң хизмәт бинаси әтрапида партилишидин келип чиққан .
Франсийә ахбарат агентлиқиниң афғанистан сақчи даирилиридин нәқил кәлтүрүшичә , партилашта 10 дин 15 кичә адәм өлгән , өлгәнларниң ичидә чәтәлликләрму бар болуп , афғанистандики америка қошуниниң баянчиси скот нелсон , дейн копиратипи үчүн ишләйдиған бир америкилиқ һөддигәрниң өлгәнликини елан қилди . Дейн копиратипи афғанистан приздентиниң қоғдиғучилирини , аманлиқ күчлирини вә афған сақчиларни тәрбийәләшкә мәсул ширкәт . Талибан қораллиқ күчлири шу күни қатардики әл - җәзирә телевизийәсигә телефон қилип, партилаш вәқәсигә мәсул болидиғанлиқини җакалиған . Талибанларниң баянатчиси молла һаким вәқәдин кейин пишавурдики афғанистан ислам ахбарат агентлиқиға телефон қилип , вәниң өзини өлтүривелиш харәктирлик һуҗум икәнликини вә буниңдин кейин техиму көп һуҗумларни елип баридиғанлиқини билдүргән . Бу йил 10 - айда афғанистан приздент сайлими елип берилиду . Сайламдин бурун бу хилдики терорлиқ һуҗумларниң давамлиқ йүз берип туридиғанлиқи пәрәз қилинмақта .(Әркин)