Saylam harpisidiki kabul qatarliq sheherler rakita hujumigha uchridi


2004-10-08
Share

Afghanistandiki prézidént saylimi shenbe élip bérilidu, prézidént namzatliri otturisidiki riqabet eng keskin basquchqa kirgen. Amma bixeterlik mesilisi yenila prézidént saylimidiki eng chong mesile. Prézidént saylimining harpisida afghanistanning ikki chong shehiri rakitaning hujumigha uchrighan. Biraq rakita hujumi keltürüp chiqarghan buzghunchilik shenbe küni élip bérilidighan saylamgha tesir yetküzüsh derijiside emes dep qaralmaqta. Tunji qétimqi hujum peyshenbe küni kechisi kabulda yüz bergen. Ikki tal rakita oqi kabulning sherqidiki bir jaygha chüshüp partlighan. 3 - Tal oq kabuldiki bir axbarat merkizini nishan'gha alghan. Axbarat merkizining sirtigha toxtitip qoyulghan bezi mashinilar weyran bolghan.

Bu arida jüme küni etigen afghanistanning sherqidiki jalalabad shehirige chüshken bir qanche tal rakita oqida ikki bala yarilandi. Sabiq taliban qalduq küchliri we ularning qollighuchiliri prézidént saylimigha yol qoymaydighanliqini jakarlap, chet'el küchlirini afghanistandin qoghlap chiqarghiche küresh qilidighanliqini élan qilghan. Hazirghiche saylam pa'aliyiti bilen shughulliniwatqan 12 kishi talibanperes küchler teripidin öltürügen. Biraq afghanistandiki amérika herbiy dariliri, talibanperes küchlerning qarshiliq körsitish herkiti pesiyishke bashlighanliqini ilgiri sürmekte. Ular, bu ehwal ittipaqdash küchlerning afghanistandiki tazilash herkiti muwapiqiyetlik boliwatqanlighini körsitidu dep qarighan. Hazir amérikining 18 ming eskiri bilen natoning 4 - 5 ming eskiri afghanistanda wezipe ötewatidu. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet