Бирләшкән дөләтләр тәшкилати, афғанистандики сайлам йетәрсизликлирини тәкшүрмәктә

Бирләшкән дөләтләр тәшкилати мәхсус сайлам тәкшүрүш комитети тәшкилләп, афғанистан прездент сайлимида йүз бәргән йетәрсизликләрни тәкшүрүш хизмитини башлиди.

Бирләшкән дөләтләр тәшкилати тәрипидин тәйинләнгән бу сайлам тәкшүрүш комитетиниң икки нәпәр әзасиниң бири канаданиң сабиқ ташқи ишлар әмәлдари йәни бири шивитсийиниң сайлам ишлири мүтәхәссиси икән.

Әнгилийә б б с радио тилвизийә ширкитиниң хәвиригә қариғанда, мәзкүр тәкшүрүш комитити, сайлам җәрянида йүз бәргән қаидә - түзүмләргә зит кәлгән һәркәтләр үстидин тәкшүрүш елип баридикән.

Сайламға қатнашқан бир қисим намзатлар, сәйшәнбә күни кәчтин бурун 8 райондики сайлам мәркәзлиридә беләтләрни қайтидин санаш һәққидә язма шәкилдә наразилиқ билдүргән иди.

Бирақ, нөвәттә сайламда көрүлгән нуқсанларниң вақтида һәл қилинғанлиқини билдүргән, сайлам комитити сайламда ташланған беләтниң күчкә игә қилинидиғанлиқини билдүрмәктә.

Афғанистанда 10 - айниң 9 -күни тарихта тунҗи қетим димократик усулда сайлам елип берилди, гәрчә сайлам тенчлиқ билән аяқлашқан болсиму, 18 намзат ичидә 15 намзат сайламда хаталиқ йүз бәргәнликини тәкитләп, сайламни қайта тәшкилләшни тәләп қилмақта.

Пәрәзләргә қариғанда сайлам нәтиҗиси бир қанчә һәптидин кейин мәлум болидикән. (Пәридә)