Дәсләпки бишарәтләргә қариғанда афғанистандики президент сайлиминиң ғалипи карзай


2004.10.24

Афғанистандики президент сайлиминиң дәсләпки нәтиҗисигә қариғанда сайлам билитиниң йеримидин көпирәкигә һазирқи президент һамит карзай еришкән. Һазирға қәдәр сайлам белитиниң 95 ٪ и санап болунди. Карзай омуми биләтниң٪ 55 гә еришкән, намзатлар ичидики карзайниң әң күчлик риқабәтчиси дәп қаралған юнус қануни омуми биләтниң ٪ 39 гә еришип, карзайдин кейинки 2 - орунни игилигән. Бирақ мәркизи сайлам кометити сайлам билитини толуқ санап болмиғичә сайлам нәтиҗисиниң елан қилинмайдиғанлиқини билдүрди. Сайламниң дәсләпки нәтиҗисигә қариғанда һамит карзайниң ғәлибә қилиғанлиқи муқимлашқан. Бирақ сайламниң ахирқи нәтиҗисини елан қилишқа йәнә бир қачә һәптә кетиши мүмкин.

Сайлам нәтиҗисини елан қилиш, б д т тәкшүрүш гурупписи сайлам җәрянида қайидигә хилаплиқ қилиш вәқәлири йүз бәргәнлики тоғрисидики наразилиқлар бойичә елип баридиған тәкшүрүш нәтиҗисигә мунасивәтлик икән. Һамит карзай ишханисидики әмәлдарларниң билдүрүшичә, карзай сайламда ғәлибә қилғанлиқини һазирчә елан қилмайду. Бирақ юнус қануниниң баянатчиси, гәрчә сайламда қайдигә хилап әһваллар йүз бәргәнликидин әндишә қилсиму бирақ, қануни сайламда карзайниң ғәлибә қилғанлиқини етирап қилиду дәп көрсәткән. Афғанистандики президент сайлими 10 - айниң 9 - күни елип берилған. Бирақ сайламниң рәсми нәтиҗиси һазирға қәдәр елан қилинмиди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.