Deslepki bisharetlerge qarighanda afghanistandiki prézidént saylimining ghalipi karzay


2004-10-24
Share

Afghanistandiki prézidént saylimining deslepki netijisige qarighanda saylam bilitining yérimidin köpirekige hazirqi prézidént hamit karzay érishken. Hazirgha qeder saylam bélitining 95 ٪ i sanap bolundi. Karzay omumi biletning٪ 55 ge érishken, namzatlar ichidiki karzayning eng küchlik riqabetchisi dep qaralghan yunus qanuni omumi biletning ٪ 39 ge ériship, karzaydin kéyinki 2 - orunni igiligen. Biraq merkizi saylam kométiti saylam bilitini toluq sanap bolmighiche saylam netijisining élan qilinmaydighanliqini bildürdi. Saylamning deslepki netijisige qarighanda hamit karzayning ghelibe qilighanliqi muqimlashqan. Biraq saylamning axirqi netijisini élan qilishqa yene bir qache hepte kétishi mümkin.

Saylam netijisini élan qilish, b d t tekshürüsh guruppisi saylam jeryanida qay'idige xilapliq qilish weqeliri yüz bergenliki toghrisidiki naraziliqlar boyiche élip baridighan tekshürüsh netijisige munasiwetlik iken. Hamit karzay ishxanisidiki emeldarlarning bildürüshiche, karzay saylamda ghelibe qilghanliqini hazirche élan qilmaydu. Biraq yunus qanunining bayanatchisi, gerche saylamda qaydige xilap ehwallar yüz bergenlikidin endishe qilsimu biraq, qanuni saylamda karzayning ghelibe qilghanliqini étirap qilidu dep körsetken. Afghanistandiki prézidént saylimi 10 - ayning 9 - küni élip bérilghan. Biraq saylamning resmi netijisi hazirgha qeder élan qilinmidi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet