Afghanistanda özini öltürüwélish xaraktérlik partlash yüz berdi

Charshenbe küni afghanistanning jenubigha jaylashqan qendehar shehiridiki bir meschitte özini öltürüwélish xaraktérlik partlash yüz bérip, 20 din oshuq kishi qaza qildi we 40 nechche kishi yarilandi.

Amérika birleshme agéntliqining xewirige qarighanda, weqe yüz bergende meschitte, yekshenbe küni talibanlar teripidin étip öltürülgen bir imamning nezirini chüshürüwatqan 200 din oshuq kishi bar bolup, partlashtin kéyin meschitning ichi qan'gha boyulup ketken.

Qaza qilghanlarning arisida yene, kabul sheherlik saqchi idarisining bashliqimu bar iken. Hökümet da'iriliri bu weqeni sadir qilghan kishining jesitini tapqanliqini hemde uning osama bin ladinning el qa'ide teshkilatining ezasi ikenlikini bildürdi.

Qendeher ilgiri talibanlar hökümitining asasliq merkizi bolup, 2001 - yili amérika bashchilighidiki birleshme armiye afghanistandiki taliban hakimiyitini aghdurup tashlighan. (Peride)