Donald ramsfild, qirghizistanni amérika bazisi munaswiti bilen ziyaret qildi


2005.07.25

Amérika dölet mudapi'e ministiri donald ramsfild, düshenbe küni qirghizistandiki ziyaritini bashlidi. Fransiye axbarat agéntliqining xewer qilishiche, ramsfild amérika herbiy bazisini taqash waqit jedwili élan qilishni telep qilghan qirghizistan rehberliri bilen söhbet élip baridiken.

Qirghizistan tashqiy ishlar ministiri roza otanbayéwa ramsfild béshkekke kélishtin sel ilgiri, ramsfild bilen ötküzülidighan söhbetlerde manas ayrodromidiki amérika herbiy bazisining mesilisi otturigha qoyulidighanliqini bildürdi. Otanbayéwa, herbiy baza mesilisi " ramsfildning qirghizistanni ziyaret qilishidiki asasliq sewep," dep tekitligen.

Bu ramsfildning sabiq qirghizistan prézidénti esqer aqayéw aghdurulghandin kéyin, mezkur döletni 2 qétim ziyaret qilishi bolup hésablinidu.

Qirghizistan bilen özbékistan amérikini mezkur döletlerdiki herbiy bazisini taqash waqit jediwili élan qilishqa qistighan. Shangxey guruhidiki döletler yéqinda astanidiki yighinida waqit jediwili élan qilish telipini otturigha qoydi. Emma amérika armiyisining birleshme shtab re'isi général richard mayirs, " ottura asiyaning ehmiyiti amérika üchün afghanistandiki herikitimizni baza bilen teminlesh bilen cheklenmeydu," dep tekitligen. U, xitay bilen rusiyini ottura asiya ellirige amérika herbiy bazisini taqash toghrisida bésim ishlitish bilen eyibligen idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.