Kondiliza rayis ottura asiya ziyaritide özbékistan'gha barmaydu

• 
  2005-10-05

Amérika tashqi ishlar ministiri kondiliza rayis kiler hepte ottura asiyadiki töt döletni ziyaret qilidu.

Amérika tashqi ishlar minsitirliqining bildürüshiche, kondiliza rayis bu qétim afghanistan, qirghizistan, tajikistan we qazaqistanni ziyaret qilip, bu döletlerning rehberliri bilen démokratik qurulush we bixeterlik mesilisini nuqtiliq muzakire qilidu.

Özbékistan téxi yéqin'gha qeder amérikining ottura asiyadiki ittipaqdishi idi. Emma, kondiliza rayis bu qétimqi ottura asiya ziyaritide özbékistan'gha barmaydu. Közetküchiler, bu, enjan weqesi sewebidin yamanlashqan amérika we özbékistan munasiwetlirining jiddiylikini körsitidu dep qarimaqta.

Amérika, özbékistanning 13 - may küni yüz bergen enjan weqesi üstidin xelq'araliq tekshürüsh élip bérishni ret qilghanliqini qattiq tenqidligen idi. Özbékistan arqidin amérikidin özbékistandiki qoshunlirini chékindürüshni telep qilghan idi.

Amérika tashqi ishlar ministirliqining bayanatchisining seyshenbe küni bergen bayanatida, özbékistanning enjan weqesidiki pozitsiyiside özgirish bolmidi. Amérika gerche özbékistan bilen munasiwitini eslige keltürüshni xalisimu, emma kishilik hoquq prinsipida muresseleshmeydu" dédi. (Arzu)