Кондилиза райис оттура асия зияритидә өзбекистанға бармайду
2005.10.05
Америка ташқи ишлар министири кондилиза райис киләр һәптә оттура асиядики төт дөләтни зиярәт қилиду.
Америка ташқи ишлар минситирлиқиниң билдүрүшичә, кондилиза райис бу қетим афғанистан, қирғизистан, таҗикистан вә қазақистанни зиярәт қилип, бу дөләтләрниң рәһбәрлири билән демократик қурулуш вә бихәтәрлик мәсилисини нуқтилиқ музакирә қилиду.
Өзбекистан техи йеқинға қәдәр америкиниң оттура асиядики иттипақдиши иди. Әмма, кондилиза райис бу қетимқи оттура асия зияритидә өзбекистанға бармайду. Көзәткүчиләр, бу, әнҗан вәқәси сәвәбидин яманлашқан америка вә өзбекистан мунасивәтлириниң җиддийликини көрситиду дәп қаримақта.
Америка, өзбекистанниң 13 - май күни йүз бәргән әнҗан вәқәси үстидин хәлқаралиқ тәкшүрүш елип беришни рәт қилғанлиқини қаттиқ тәнқидлигән иди. Өзбекистан арқидин америкидин өзбекистандики қошунлирини чекиндүрүшни тәләп қилған иди.
Америка ташқи ишлар министирлиқиниң баянатчисиниң сәйшәнбә күни бәргән баянатида, өзбекистанниң әнҗан вәқәсидики позитсийисидә өзгириш болмиди. Америка гәрчә өзбекистан билән мунасивитини әслигә кәлтүрүшни халисиму, әмма кишилик һоқуқ принсипида мурәссәләшмәйду" деди. (Арзу)
Мунасивәтлик мақалилар
- Шималий атлантик окян әһди тәшкилати қирғизистанда
- Кондилиза райис, қазақистан билән енергийә вә бихәтәрлик мәсилилирини музакирә қилди
- Кондализа райис қурманбег бақийефқа рәһмәт ейтти
- Қазақистандики сиясийон шәрпбег америка қошунлири мәсилиси һәққидә тохталди
- Америка дөләт мудапиә министири доналд рамсфелд оттура асияда
Көп көрүлгән хәвәрләр
RFA
- 3 Чоң тәшкилат бирликтә “хәлқара уйғур мунбири” намида йиғин чақиридиғанлиқини елан қилди
- Япон парламент әзалири: “уйғурларни қоғдаш японийәни қоғдаштур”
- Хитай “бирликсәп бөлүми” йеқиндин буян “шинҗаң һекайисини яхши сөзләш” тәшвиқат һәрикити қозғиған
- Хитайниң чәктин ашқан карантин тәдбирлири уйғурлар һаятиға үсти-үстиләп қийинчилиқ туғдурған
- Ғулҗа наһийәсдики бир кәнт кадири: “биздики юқумдарлар вирусни гәнсулуқ саяһәтчиләрдин юқтуривалған”