Amérika ottura asiyada turidighan herbiy qisimlirini qisqartishi mumkin


2006-07-24
Share

Amérika merkizi qomandanliq shtabining bashliqi jon abuza'id düshenbe küni qazaqistan paytexti astanida, amérika ottura asiyadiki sabiq sowét ittipaqi jumhuriyetliri bilen herbiy hemkarliqini kéngeytsimu, lékin bu rayondiki herbiy mewjutliqini qisqartishi mumkin, dep körsetti.

Général abuza'idning eskertishiche, amérika armiyisi afghanistan weziyitini tinchlandurush üchün yardem qilishni üstige alghan, lékin rayonda yéngi herbiy baza qurush pilani yoq . U, men shuni perez qilalaymenki, hemkarliqimizning derijisi yuqirilisimu, lékin, herbiy mewjutliqimiz qisqirishi mumkin " deydu. Jon abuza'id bu sözlerni astanida yuqiri derijilik qazaqistan emeldarliri bilen élip barghan söhbitidin kéyin muxbirlargha tekitligen.

Amérika 11 - sintebir térrorluq hujumidin kéyin ottura asiyadiki sabiq sowét ittipaqi jumhuriyetliridin özbékistan bilen qirghizistanda herbiy baza qurghan. Ötken yili enjan weqeside amérika özbékistanning kishilik hoquq xatirisini qattiq tenqid qilghandin kéyin, kérimow hökümiti amérikidin xan'abad herbiy bazisini boshitip bérishni telep qilghan. Amérika yéqinda qirghizistan bilen manas ayrodroyitekchimini dawamliq ijare élish mesiliside kélishim hasil qilip, qirghizistan'gha yilda 150 milyon dollar yardem bérishke maqul boldi.

Jon abuza'id amérikining kaspiy déngiz boyidiki iran'gha yiraq bolmighan qazaqistan zéminida herbiy baza qurush pilani barliqini ret qildi. U, "bizning pilanimiz qazaqistanning kaspiy déngizdiki dölet mudapi'e küchini östürüsh, lékin uning ornini igilesh emes" deydu. Qazaqistan, ottura - sherq bilen beslisheleydighan derijide mol néfit we teb'iy gaz bayliqigha ige bolghanliqtin, bu döletning muqimliqi gherb elliri üchün muhim ehmiyetke ige. Qazaqlar 11 - sintebir weqesidin kéyin afghanistanda wezipe ijra qilidighan sh a o e t we amérika qisimlirining qazaqistan hawa boshluqini ishlitishige qoshulghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet