Америка- өзбекистан мунасивәтлири кәскинләшти


2005.07.31

Йәкшәнбә күни америка һөкүмити, өзбекистан билән болған мунасивәтләрдә америка үчүн, кишилик һоқуқ мәсилиси һәрбий һәмкарлиқтин муһим рол ойнайду дәп көрсәтти.

Америкида чиқидиған нйо-йорк вақти гезитиниң билдүрүшичә, америка ташқи ишлар ярдәмчи минситири николас бирнс" биз президент ислам керимоф һөкүмити билән болған мунасивитимиздә кишилик һоқуқ мәсилисини көрмәсликкә селишни халимаймиз, дегән.

Америка ташқи ишлар министирлиқи шәнбә күни, өзбекистан һөкүмитиниң америкидин ханабад һәрбий базисидики әскәрлирини елип чиқип кетишини тәләп қилғанлиқини билдүрди. Өзбекистанниң ханабад һәрбий базиси америкиниң афғанистанда террорчилиққа қарши елип бериватқан урушида муһим рол ойниған.

Хәвәрләргә қариғанда, өзбекистанниң мәзкур қарари түпәйли, америка ташқи ишлар ярдәмчи министири николас бирнс келәр һәптә өзбекистанға қилмақчи болған рәсми зияритини бикар қилған.

Америка- өзбекистан мунасивәтлири ахирқи бир нәччә айдин бири йириклишишкә башлиған. 13 - Май күни өзбекистанниң әнҗан шәһридә һөкүмәткә қарши елип берилған наразилиқ намайишиниң кермоф һакимийити тәрипидин қанлиқ бастурулуши икки дөләт оттурисидики мунасивәтләрниң кәскинлишишигә сәвәп болди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.