Amérika özbékistanni tenqid qildi

Özbékistan dölet mejlisining yuqiri palatasi jüme küni amérikining özbékistanning xan abadtiki herbiy bazisidin qoshun chékindürüshini resmi qarar qilghandin kéyin amérika hökümiti buninggha inkas qayturdi.

Amérika awazi radi'osining uchurigha asaslan'ghanda amérika terep özbékistanning bu qilmishini tenqid qilip, buning aqilane qarar emeslikini körsetti.

Özbékistan hökümitining amérika herbiy bazisini taqash telipi 29-iyul küni meydan'gha chiqqan bolup, tashkent da'iriliri washin'gtondin 6 ay ichide öz qoshunlirini élip chiqip kétishni telep qilghan idi. Démek , bu qétim özbékistan parlaménti tashkentning bu qararini resmileshtürgen.

Özbékistanning amérika herbiy bazisini taqash mesilisi 13-maydiki enjan weqesidin kéyin otturigha chiqqan bolup, washin'gton islam kérimofni enjanda bigunah ademlerni qirghanliqi bilen eyiblep, uni démokratik islahatqa ündigen idi. Shuningdin étibaren tashkent bilen washin'gton arisidiki munasiwetler künsayin soghuqlashti biraq, islam kérimof, rusiye we xitay bilen bolghan munasiwetlirini téximu yaxshilidi . (Ümidwar)