Amérika telep qilin'ghan shara'itta, qazaqistanda herbiy baza échishi mumkin


2005-11-03
Share

Qazaqistanni ziyaret qiliwatqan amérika pars qoltuqi qisimlirining bash générali jon abizayit, amérikining qazaqistanda herbiy baza qurush pilani yoqliqini, biraq qazaqistan telep qilghan shara'itta, bu dölette herbiy baza échishi mumkinlikini bildürdi.

Amérika birleshme axbarat agéntliqining xewirige qarighanda, jon abizayit buni qazaqistan dölet mudapi'e ministiri muxter altunbayéf bilen körüshkendin kéyin éytqan. Xelq'arada amérikining tashkenttiki herbiy bazini bikar qilghandin kéyin, bashqa ottura asiya döletliride baza qurush éhtimalliqi heqqide her xil qiyaslar bar idi.

Qazaqistan amérika we shimaliy atlantik ehdi teshkilatining qoshunlirining hawa térritoriyisini ishlitishige yol qoyghan. Qazaqistan shundaqla iraqtiki amérika bashchiliqidiki birleshme armiyige qoshun ewetken birdinbir ottura asiya döliti idi.

Xewerge qarighanda, amérika générali jon abizayit amérikining ottura asiyadiki herbiy mewjüdiyitining amérikining dunyadiki tesirini kücheytishni meqset qilmaydighanliqini, peqetla térrorchiliqqa qarshi turushni közleydighanliqini tekitligen.

Bu yil 7 - ayda rusiye we xitay bashchiliqidiki shangxey hemkarliq teshkilati afghanistandiki weziyetning yaxshilan'ghanliqini bildürüp, amérikining ottura asiyadiki baziliridin qoshun chikindürüshni telep qilghan idi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet