Америка вә қирғизистан икки тәрәп ортақ йосунда терорчилиққа қарши турушни тәшәббүс қилди


2004.11.16

Америкиниң бир нәпәр алий дәриҗилик әмәлдари дүшәнбә күни қирғизистан президенти әсқәр ақайеф билән көрүшкәндә, икки дөләтниң террорчилиққа қарши һәмкарлиқни техиму илгири сүрүшни тәкитлиди.

Америка бирләшмә ахбарат агентлиқиниң хәвиригә қариғанда, америка ташқи ишлар министирлигиниң явро-асия ишлириға мәсул муавин министири лора кенедий, ақайеф билән көрүшүп, америкиниң қирғизистан билән террорчилиққа қарши һәмкарлиқни күчәйтип, районниң бихәтәрликини илгири сүрүшни халайдиғанлиқини билдүргән.

Қирғизистан америкиниң афғанистан урушини йеқиндин қоллап, америка армийисигә қирғизистан пайтәхти бешкәкниң әтрапида база қуруп бәргән болуп, бу икки дөләт мунасивитидә зор илгирләш һасил қилған иди.

Әсқәр ақайеф буниңға җавабән америка әмәлдариға, қирғизистанниң америка билән давамлиқ һәмкарлишишни халайдиғанлиқини билдүрди. Шундақла у йәнә йеқинда келидиған президент сайлими тоғрисида сөз қилип, " қирғизистан бу қетимлиқ президент сайлимини рошән, димократик вә очуқ елип беришқа пүтүн күчи билән тиришиватиду " дәп билдүрди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.